• Басты
  • Қазақстан мен Германия ЭКСПО-2017 көрмесіне қатысатын неміс компанияларының тізімін талқылады
6 Наурыз, 2015 14:34

Қазақстан мен Германия ЭКСПО-2017 көрмесіне қатысатын неміс компанияларының тізімін талқылады

Берлинде ЭКСПО-2017 Комиссары – ҚР Сыртқы істер министрінің бірінші орынбасары Рәпіл Жошыбаев бастаған қазақстандық делегация 49-шы «ITB-2015» халықаралық туристік көрмесінің жұмысына қатысты.
Қазақстан мен Германия ЭКСПО-2017 көрмесіне қатысатын неміс компанияларының тізімін талқылады

ҚР Сыртқы істер министрлігінде хабарлағандай, көрме шеңберінде Р. Жошыбаев БҰҰ Бүкіләлемдік туристік ұйымы Жібек жолы елдерінің туризм министрлерінің 5-ші отырысына қатысып, Қазақстандағы туризмнің дамуы, Жібек жолы әлеуетін іске асыру бойынша Қазақстанның рөлі және Елбасының «Нұрлы жол» жолдауының негізгі бағыттары туралы сөз сөйледі.

Р. Жошыбаев алдағы уақытта Астана қаласында өтетін халықаралық ЭКСПО-2017 көрмесіне дайындық жұмыстары туралы хабарлап, аталған шара Қазақстан және бүкіл өңір үшін туризм дамуының қозғаушы күші болатынын атап өтті.

Көрме қатысушылары қазақстандық павильонға аса қызығушылық білдірді. Олардың қазақ ұлттық тағамынан дәм татып, дәстүрлі билерді тамашалап, ұлттық аспапта нақышына келтіріліп орындалған әдемі әуендерді тыңдап, сонымен қатар қолдан жасалған киіз киімдердің және күміс бұйымдардың дайындау барысын көруге мүмкіндіктері болды.

 Шетелдік серіктестермен ынтымақтастықты одан әрі дамыту мақсатында қазақстандық делегация екі жақты келіссөздер жүргізді, оның ішінде ГФР экономика және энергетика министрлігінің туризм дирекциясының жетекшісі М. Вебермен, көрменің басшылығымен және шетелдік БАҚ өкілдерімен кездесулер өткізді.

Қазақстан әлемдік туризмнің беделді сұхбат алаңы болып танылатын және елдің бай тарихын, мәдениетін және қайталанбас табиғатын таныстыруға мүмкіндік беретін ITB жұмысына жыл сайын қатысады. Сонымен қатар, көрме туристік саладағы көшбасшылармен ынтымақтасу мен тәжірибе алмасудың тиімді алаңы болып саналады.

 

 

ҰСЫНЫЛАДЫ
Барлық жаңалықтар
дерекнама 2050

ШОБ ЖІӨ көлемінің 50 пайызынан артығын өндіреді

Еңбек өнімділігі 126 мың долларға дейін көтеріледі 3-тен 6 жасқа дейінгі балаларды 100 пайыз мектепке дейінгі біліммен қамту

Қазақстан өз нарығын жаңа экологиялық стандарттарға сай келетін жанар-жағармаймен толықтай қамтамасыз етеді

Жалпы экспорт ішінде шикізат емес экспорттың көлемі екі есеге, 2040 жылы үш есеге артады

Әліпбиімізді латын қарпіне көшіру ісі басталады

Қазақстандықтардың 95 пайызы қазақ тілін меңгеруі тиіс

15 пайыз егістік алқаптарына суды үнемдеу технологиялары енгізіледі

Халықты ағын сумен қамту мәселесі шешіледі

Адам басына шаққандағы ЖІӨ көлемі 60 мың долларға көтеріледі

ҚР тұрғындарының үлесі халықтың 70 пайызын құрайды