Қазақстан Қарулы Күштерінің әскери қызметшілері қыз-келіншектерді мерекелерімен құттықтады (Фото)

6 Наурыз, 2015 20:03

Қорғаныс министрлігінің Орталық әскери оркестрі Астана қаласының қыз-келіншектеріне арнап мерекелік іс-шара әзірледі, деп хабарлады Қорғаныс министрлігі.

ҚР Қарулы Күштерініңтосын сыйы 8-Наурыз халықаралық әйелдер күніне арналып отыр. Атап айтқанда, оркестр елордамыздың танымал сауда ойын-сауық орталықтарының бірінде әскери музыканттар Фрэнк Синатраның «I love you, baby»хит әнін шырқап, айрықша барабан шоуын көрсетті.

Сонымен қатар бағдарламада ұлттық әндерден попурри және әлемдік танымал әндер орындалды. Әскери оркестрдің музыканттары кеш соңында әрбір қыз-келіншекке арнап гүл шоқтары мен ҚР ҚК әскери қызметшілерінің атынан құттықтау ашық хаттарын тарту етті. Сонымен қатар, Астанадағы 68665 ә/б әскери қызметшілері аналарды келе жатқан 8-наурыз мерекесімен ерекше құттықтады.

Олар команда бойынша «сегіз саны» түрінде сап түзеп флешмоб жасады. Әскери қызметшілер дабыл бойынша тез арада киініп және санаулы секундтарда «сегіз саны» болып сап түзейді. Аталмыш шара әскериқызметшілердің аналарын құттықтауымен және сый-құрмет көрсетумен жалғасты.

Барлық жаңалықтар