Қазақстан-Иран компаниясы Семейде ет комбинатын салады

6 Наурыз, 2015 18:03

Семейде Қазақстан-Иран компаниясы ет өңдейтін зауыт салады, деп хабарлады ШҚО Ақпараттық орталығы.

Семейге барған жұмыс сапарында облыс әкімі Даниал Ахметов «AGRO PORTAL» ЖШС жетекшілерімен кездесті. Инвесторлар жоспарланып отырған ет комбинатының жобасын таныстырды. Кәсіпкерлік Семей қаласының «Өндіріс» өндірістік аймағында орналасады. Әкімдік құрылыс жүргізу үшін 68 га жер бөлді. Нысанның құрылысы бойынша жұмыстар осы жылдың екінші жартысында өтеді.

«Зауыт іске қосылған соң 52 мың тонна ет өңделетін болады. 7 мың ет консервілері мен шұжқ өнімдері дайындалады», - деді «AGRO PORTAL» ЖШС директорының орынбасары Әли Жылқыбаев.

Әкімдіктің хабарлауынша, ирандық тарап жобаға 52 млн АҚШ долларын инвестициялайды. Өз кезегінде, ШҚО әкімдігі, қажетті инфрақұрылымы бар жер бөлуге атсалысады.

Алдын-ала ақпарат бойынша, кәсіпкерлік толық қуаттылыққа 2017 жылы шығады. Жүзеге асырылған жоба 250 жаңа жұмыс орны ашылады.