• Басты
  • Қазақстандағы жалғыз таулы-егерлік ротаға 50 жылқы қолғабыс көрсетуде (Фото)
7 Наурыз, 2015 15:04

Қазақстандағы жалғыз таулы-егерлік ротаға 50 жылқы қолғабыс көрсетуде (Фото)

91678 әскери бөлімі арнайы мақсаттағы таулы-егерлік ротасының әскери қызметшілеріне таулы жерлерде қызмет атқаруға, оқу-жаттығу тапсырмаларын орындауға аттар көмектеседі.
Қазақстандағы жалғыз таулы-егерлік ротаға 50 жылқы қолғабыс  көрсетуде (Фото)

«Олар әскери техника өте алмайтын шатқалды таулы жерлерден жеке құрамды тасымалдайды. Таулы-егерлік ротаның әр әскери қызметшісіне бір аттан бекітілген. Алғашында жануарлармен нұсқаушы жұмыс істейді, одан соң ат даярлығы бойынша жаттығуларға тартылады», - деп хабарлады ҚМ.

Жақын арада осындай сабақ «Оңтүстік» өңірлік қолбасшылығының «Теріс-Ащыбұлақ» полигонында өткізілді. Бұл жерде әр жауынгер өз атымен жеке және топ құрамында шартты қарсыластың шабуылына тойтарыс беру жөнінде маневр жасады.

Атап айтсақ, арнайы мақсаттағы таулы-егерлік рота 2000 жылы құрылған және бүгінгі күні Қазақстанның Қарулы Күштерінде осы бағыттағы жалғыз рота болып табылады. Сонымен қатар 91678 әскери бөлімде теңдеп арту-көліктік ротасы бар. Олар таулы-егерлік ротаны  қамтамасыз етумен (әскери жүктерді жеткізумен)айналысады.   

 

Барлық жаңалықтар