• Басты
  • Астанада әйел-ардегерлерді көктем мерекесімен құттықтады (Фото)
6 Наурыз, 2015 11:36

Астанада әйел-ардегерлерді көктем мерекесімен құттықтады (Фото)

Әйелдердің халықаралық күнін мерекелеу қарсаңында, Астана қаласы ТЖД ұжымы ардагер-әйелдерді көктем мерекесімен құттықтады, деп хабарлады ТЖД департаменті.
Астанада  әйел-ардегерлерді көктем мерекесімен құттықтады (Фото)

Тыл ардагерлері Камышанская Инесса Владимировна мен Свириденко Александра Михайловна келген қонақтарды көтеріңкі көңіл-күй мен кеуделерінде жарқыраған медальдарымен қарсы алған еді.

 «Бүгін біз көктем мерекесімен құттықтау үшін ерекше жандарға келіп отырмыз. Ер адамдармен иық тірестіре майданда да, тылда да маңдай терін төгіп Ұлы Жеңіс күнін жақындатқан жандарға алғысымыз шексіз. Біз нағыз батыр адамдарды бетпе-бет көруге мүмкіндігі бар бақытты адамдармыз. Сіздердің ерліктеріңіз бен еңбектеріңіз ешқашан ұмыт болмайды», - деді  Астана қаласы ТЖД Ардагерлер кеңесінің төрағасы А.К.Бекешев.

Департамент қызметкерлері ардагер-әйелдерге гүлдер мен ақшалай сыйлықтарын табыс етті. Тыл ардагерлері болса, өз кезектерінде келген қонақтарға осынау мереке алдында сыйлаған көтеріңікі-көңіл күй мен ниеттеріне алғыс айтып, барша қазақстандықтарға зор денсаулық пен ең бастысы – елімізге тыныштық тіледі.

 

 

 

 

Барлық жаңалықтар