Қазақстанның инвестициялық ахуалы Қазақстан-Америка онлайн конференциясында талқыланады

5 Наурыз, 2015 19:24

Бүгін Астанада «Қазақстан 2050» Жалпыұлттық қозғалысы «Invest in Kazakhstan» жобасы аясында, АҚШ-тың инвестициялық қоғамдастығымен І онлайн форум бастайды.

Форумға Қазақстан тарапынан ҚР инвестиция және даму министрі Әсет Исекешов, «Kaznex invest» экспорт және инвестициялар ұлттық агенттігінің басшылары, «Технологиялық даму ұлттық агенттігі» АҚ, moomkin.kz әлеуметтік желісі, сондай-ақ «Қазақстан 2050» Жалпыұлттық қозғалысының Кеңес Төрағасы Данат Жұмин қатысады. Америкалық тараптан Гарвард және Массачусетс технологиялық институтының бизнес-клубтары, Бостон университеті жанындағы ашық нарық және инвестициялар клубы, Бостон университеті жанындағы қаржы және инвестициялар клубы, Азия бизнес клубы өкілдері және де АҚШ-тағы «Kaz Alliance» қазақстандық студенттердің альянсы қатыспақшы, деп хабарлады жалпыұлттық қоғалыстың баспасөз қызметі.

«Қазақстан 2050» Жалпыұлттық қозғалысының «Invest in Kazakhstan» жобасы Қазақстанның инвестициялық ахуалы, әлеуеті, Қазақстанның болашағы мен инвестициялық тартымдылығы туралы, сондай-ақ бизнес жүргізгенде туындайтын мүмкіндіктер жайлы инвесторларды жан-жақты хабардар етуді көздейді.

«Қазақстан 2050» Жалпыұлттық қозғалысы әлемдік жетекші университеттердің бизнес мектептері негізінде диалог жүргізетін алаң құруды жоспарлап отыр.