Сенаторлар ҚР ҚМ Мемлекеттік кірістер комитетінің басшылығымен жүздесті

5 Наурыз, 2015 18:53

Мемлекет басшысы Нұрсұлтан Назарбаевтың салықтық және кедендік әкімшілендіру жұмыстарының аясында алдыға қойған міндеттердің маңыздылығына тоқталған Парламент Сенатының Қаржы және бюджет комитетінің төрағасы Рашит Ахметов, салықтық және кедендік әкімшілендіру шаралары дегеніміз мемлекеттік кіріс органдары іске асыратын ұйымдастыру-құқықтық немесе өзге де әрекеттердің жиынтығы екендігін айтты.

Сенатордың сөзінше, мемлекеттің тұрғындармен және бизнеспен бірлескен қимылдарын қамтамасыз ететін, немесе әлеуметтік жағынан айқын көрініс табатын салаға бюджетке түсетін кедендік және салықтық төлемдер азюы сияқты қандай да бір кемшіліктердің салдарынан зиян келетін болса, түптің түбінде ол елдің экономикасына кері әсерін тигізеді.

Кездесуде Мемлекеттік кірістер комиитетінің төрағасы Дәулет Ерғожин сөз сөйледі. Ол сенатоорларды өзі басқарып отырған комитеттің 2014 жылғы қорытындыларымен таныстырып, болашақ жоспарларымен бөлісті. Сондай-ақ комитет төрағасы сенаторлардың сауалдарына бизнеске деген әкімшілік қысымды азайту, салықтарды әкімшілендіру, елімізде салықтан жалтарушыларға қарсы қолданылатын халықаралық тәжірибенің қолданылуы, офшорға шығарылған қаржыларды анықтау, көлеңкелі қаржы айналымының алдын алу, Кедендік Одақ аясындағы салықтық әкімшілендіру, салық қызметтерін жетілдіру, камеральдық қадағалау, салық жүйесін жаңғырту бағытындағы сауладарына жауап берді.

Барлық жаңалықтар