• Басты
  • Маңғыстау облысында салық және кедендік заңнамалардың талаптарын орындау деңгейі артып келеді
6 Наурыз, 2015 10:04

Маңғыстау облысында салық және кедендік заңнамалардың талаптарын орындау деңгейі артып келеді

Мемлекет басшысының Жолдауының аясында мемлекеттік кіріс органдарының ұйымдастырушылық құрылымын оңтайландыру жұмыстары жалғасуда, деп хабарлайды Маңғыстау облысының Мемлекеттік кіріс департаментінің өкілдері.
Маңғыстау облысында салық және кедендік заңнамалардың талаптарын орындау деңгейі артып келеді

Елбасы Нұрсұлтан Назарбаевтың «Нұрлы жол-Болашаққа жол» Жолдауында еліміздің әлеуметтік-экономикалық саясатының негізгі бағыттары айқындалған. Онда геосаяси жағдай мен әлемдік экономиканың проблемалары мен еліміздің жаңа экономикалық саясатын жүргізу қажеттілігіне баса назар аударылған.   

Хабарламадан мәлім болғанындай, Мемлекет басшысының Жолдауындағы басым бағыттарды жүзеге асыру мақсатында мемлекет елде отандық кәсіпкерлердің бизнеспен айналысуларына барынша жағдай жасап, халықаралық инвесторлар үшін де қажетті мүмкіндіктерді қарастыруда. Осы уақытта мемлекеттік кіріс органдарының ұйымдастырушылық құрылымын өзгерту жұмыстары жалғасуда. Бұл ретте бизнес-үдерістерді реинжинирнгтеу арқылы салық және кедендің рәсімдеулердің  негізгі қызметтері жетілдіріліп, әкімшілік процедураларға тиісінші шектеу қойылып, тәуекелдерді автоматты басқару жүйесі енгізілуде. Мұндай қадамдар төлемдерді жинау міндеттерінің арасында тепе-теңдіктің болуын қамтамасыз етіп, бизнеспен айналысуға қажетті жағдай жасап, сыртқы сауда айналамын ынталандыруға мүмкіндік береді.

ҚР ПРезидентің Жолдауынан туындайтын талаптарды орындау мақсатында мемлекеттік кіріс органдары тарапынан салық төлеушілер мен сыртқы сауда қызметінің қатысушыларының салық заңнамалары мен кеден заңдылықтарын ерікті түрде талапқа сай орындауға ықпал ететін шаралар қарастырылуда. Сондай-ақ, міндетті төлемдерді төлеуден бас тартушылармен күрес тиімділігін арттыру, адам ресурстарын мүмкіндігінше тиімді пайдалану және өз араларында сыбайлас жемқорлық әрекеттерін азайту бағытында кешенді жұмыстар атқарылуда.      

Мемлекет басшысының Жолдауы Қазақстанның жаңа экономикалық саясаты және ол еліміздің жаһандық қауіп-қатерлерге деген жауабы. Ал, бұл қауіптердің қатарына қазір әлемдік экономика мен шикізат ресурстарына деген бағаның құлдырауы, осыған қарай бюджет қоржынына түсетін қаржы көлемінің де азаюын айтуға болады. Мемлекет басшысы жаһандық сыннан әлемнің барлық мемлекеттері бірдей өте алмайтындығын анық айтты. Сондықтан, Қазақстанға әлемдік дамудың күрделі үдерістеріне қазірдің өзінде жедел дайындалу  қажет.   

     Индира Кауметова

 

Барлық жаңалықтар