• Басты
  • Қазақстанда кәсіпкер әйелдерді қаржыландыру бойынша бағдарлама іске қосылмақ

Қазақстанда кәсіпкер әйелдерді қаржыландыру бойынша бағдарлама іске қосылмақ

5 Наурыз, 2015 14:05
2015 жылы Қазақстанда «Даму» КДҚ мен ЕҚҚДБ бірлесіп әйел кәсіпкерлерді ғана қаржыландыратын бағдарламаны енгізуді жоспарлауда, деп хабарлады «Даму» кәсіпкерлікті дамыту қоры басқармасының төрағасы Ләззәт Ибрагимова.

«Ағымдағы жылы біз ЕҚҚДБ-мен  «Woman of business- Бизнестегі әйел» жобасын жүзеге асыра бастаймыз, мамыр айында Астана экономика форумында алғашқы банк - «Дельта банкпен» келісімге отыруды ұсынудамыз. Ол аталмыш бағдарлама аясында бір жыл бойы 10 млн долларға тек әйел кәсіпкерлерді қаржыландыратын болады», - деп сендірді Л. Ибрагимова.

Сонымен, қор басшысының айтуынша, Қазақстанда шағын және орта бизнес субъектілерінің саны соңғы 3 жылда 26%-ға артты, ал әйелдер ашқан компаниялар 28%-ға өсті.

Индира Кауметова

Барлық жаңалықтар