Қазақстанда 2015 жылдың 1 шілдесінен бастап келісілген қаржылай көмек туралы жоба іске қосылады

«Алғашқыда Ақмола, Шығыс Қазақстан, Жамбыл облыстарында «Өрлеу»  пилоттық жобасы 2014 жылы іске қосылды. Жоба әлеуметтік келісімшарт талаптары негізінде қаржылай көмек көрсетуге бағытталған. Ағымдағы жылы, 2015 жылдың  1 шілдесінен бастап жергілікті бюджет қаражаты есебінен барлық өңірлерде «Өрлеу» жобасына ұқсас өңірлік пилоттық жобаларды әзірлеу және енгізу жоспарлануда. Бүгінде сәйкесінше заң жобасыда жасақталуда. Ол бойынша белгіленген мерзім өтіп барады, біз оны келісіп, үкімет пен мемлекеттік органдардың мақұлдауына беруіміз керек», - деп мәлімдеді  денсаулық сақтау және әлеуметтік даму вице-министрі.

С.Жақыпованың айтуынша, заң жобасының негізгі идеясы әлеуметтік аз қамтамасыз етілгендер санатындағы қоғам өкілдеріне міндетті түрде жұмысқа орналасу туралы шартымен қаржылай көмек көрсету.

Аталып өткендей, өткен жылы жобаға 4 мыңға жуық отбасы қатысты. Жұмыспен қамтуға жәрдемдесудің белсенді шараларына 5066 адам немесе «Өрлеу» жобасының еңбекке қабілетті қатысушыларының жалпы санының 88% тартылды.

Сәйкесінше, жобаға қатысушылардың табысы (2 еседен артық) артты, атаулы әлеуметтік көмек алушылардың құрылымындағы еңбекке қабілетті тұрғындардың үлесі 21,1%-ға, атаулы әлеуметтік көмек алушылардың саны -16%-ға, балалар жәрдемақысын алатындар саны - 3,7%-ға қысқарды.

Индира Кауметова