Ақтөбе облысында 2014 жылы спорт саласына 6628,6 млн теңге бөлінді
Облыс тұрғындарын тұрақты түрде дене шынықтыру және спортпен шұғылдануға тарту мақсатында жүйелі жұмыстар жүргізілуде. 2014 жылы облыс тұрғындарының 25,9 пайызы жаппай спортпен айналысатындарды құрады.Жыл облыс спортшылары үшін сәтті болды. Оңтүстік Кореяның Инчхон қаласында Азия ойындарында қазақстандық спортшылар сапында ел намысын ақтөбелік спортшыларда қорғады.
«Намыс» спорт клубы қол добынан 3 дүркін Қазақстан Республикасы чемпионы атанды, футболдан Қазақстанның бес дүркін жеңімпазы «Ақтөбе» футбол клубы күміс жүлдегері атанды, Қазақстан Республикасы V Халық спорты ойындары қорытындысы бойынша Ақтөбе облысы жалпы командалық есепте ІІІ орыннан көрінді.Есепті мерзімде 9 халықаралық дәрежедегі спорт шебері, 35 спорт шебері дайындалып, 122 адам спорт шеберлігіне үміткер, 152 адам бірінші разряд нормативтерін орындады.
Дене шынықтыру және спорт саласын облыс бюджетінен қаржыландырылу жыл сайын ұлғайуда. 2013 жылы спорт саласына 4378,9 млн. теңге қарастырылса, 2014 жылы – 6628,6 млн теңге бөлінді.
