Қазақстанда базалық зейнетақы 2017 жылдың 1 шілдесінен бастап еңбек өтіліміне байланысты белгіленеді (ФОТО)

«2017 жылдың 1 шілдесінен бастап базалық зейнетақы  еңбек сақтандыру өтіліміне байналысты белгіленетін болады, яғни, адамның 10 жыл еңбек өтілімі болса базалық зейнетақы ең төменгі күнкөріс деңгейінің  50% шамасында белгіленеді», - деп мәлімдеді вице-министр.

Оның айтуынша, аталмыш төлемдер жыл сайын әр 10 жылға ең төменгі күн көріс көрсеткішінің 2% көлемінде ұлғайтылады.

«Егер, еңбек өтілімі 20 жыл болса онда төлем ең төменгі күнкөріс деңгейінің 70% шамасында болады, ал егер 35 және оданда көп болса онда ол 1 ең төменгі күнкөріс деңгейін құрайды», - деп жалғастырды ол.

Светлана Жақыпова  атап өткендей,  жаңғыртудың екінші кезеңі базалық зейнетақы төлемін түрлендіруді қарастырады. Бірінші кезеңді жүзеге асыру 2013 жылы басталған болатын.

«2014 жылы Мемлекет басшысының Жарлығымен 2030 жылға дейінгі кезеңге арналған Қазақстанның зейнетақы жүйесін әрі қарай жаңғырту тұжырымдамасы бекітілді және бірінші кезең 2014 жылы аяқталды», - деп түйді вице-министр.

Индира Кауметова

Суретке түсірген  Азамат Әлиева