Ақмола облысында сәндік қолданбалы өнер саласында үздік педагог анықталды

Хабарланғандай, «СҚӨ бойынша «суретшінің» шеберханасы» байқауының мақсаты  Ақмола облысының білім саласындағы ұстаздардың эстетикалық және этикалық мәдениетін дамыту, қосымша білімді сәндік-қолданбалы өнер арқылы насихаттау.

Облыстық байқауға 74 адам қатысты, олар Ақмола облысындағы жалпы білім беру мектептері мен қосымша білім беру ұйымдарының ұстаздары.

Сайыс екі кезеңнен тұрды. Бірінші кезең пленарлы отырыс түрінде өтіп, онда қатысушылардың баяндамасы тыңдалды.

Аталып өткендей, екінші кезеңде СҚӨ ұстаздарының арасында «Он саусағынан өнер тамғандар» байқауы өтті. Онда олар өздерінің шеберліктерін сынап, барлық жұмыстарын «Қазақ хандығының 550-жылдығы», «ҰОС Жеңістің 70-жылдығы», «ҚР Конституциясының 20-жылдығы», «Қазақстан халқы Ассамблеясының 20-жылдығы» тақырыптарында жасады.