ШҚО-дағы Қан орталығының құрылысын аяқтау үшін қосымша 289 миллион теңге бөлінді

Оңтайландыру шараларының аясында 5 миллиард теңге көлеміндегі ағымдағы шығыстар басым бағыттарға жұмылдырылатын болады. Жалпы облыстың 2015 жылға арналған бюджетін нақтылаудағы басты себеп – облыстық бюджетке осы аймақтың өзінен түсетін кірістердің мөлшеріне өзгерістер енгізу, бюджеттік бағдарламалардың облыстық әкімшілерінің шығыстарын оңтайландыруы және  бюджет кірістерін ең негізгі деген басым бағыттарға бұру болып отыр.     

Облыстық бюджеттің шығыстарын оңтайландырып, қаржының жұмсалуын қайта қарау қосымша қаражат көздерін қарастыруға мүмкіндік береді.  

«Зияткерлік мүмкіндіктер жүйесін кеңейту мақсатында қажетті құрылғылар алу мен бюджеттің кіріс бөлігін арттыру үшін облыс 500 миллион теңгеі шығындамақ. «Ертіс» әлеуметтік кәсіпкерлік корпорацияларының жарғылық капиталын ұлғайтуға 3,3 миллиард теңге қарастырылды. Сондай-ақ Қан орталығының құрылысын аяқтап, оны қажетті құрылғылармен қамтамасыз ету үшін 289 миллион теңге бөлінгелі отыр»,-делінген ақпарат орталығының хабарламасында.

Бұған қоса, бюджет бағдарламалары әкімшілерінің өтініштері бойынша бюджет қаржысын тиімді игеру мақсатында бағдарламалар арасында қаржыны қайта қарастырып бөлу мәселесі назарға алынды.