Абылай ханның ұрпақтары ҚР Президентiне ұлы қолбасшының мүсiнiн сыйлады
5 Қазан, 2013 16:00
«Абылай хан және оның тарихи дәуірі» атты халықаралық ғылыми-тәжірибелік конференцияда Абылай ханның ұрпақтары ҚР Президентiне ұлы қолбасшының мүсiнiн сыйлады, деп хабарлайды BNews.kz.
«Қазақстан Республикасының Тұңғыш Президентi, Ұлт көшбасшысы Нұрсұлтан Назарбаевтың ықпал етуiмен қазақ халқының ұлы бабаларының, Абылай хан мен оның немересi Кенесары ханның есiмдерi қайта жаңғыруда. Егер сол қиын-қыстау кезеңде Абылай хан қазақ ұлтын жоңғар шапқыншылығынан аман алып қалса, онда Кенесары хан осы iстi жалғастырды. Бiз қазiр тәуелсiз, егемен елмiз және бүгiнде елiмiздiң әлемдiк саяси аренада алып отырған орны үшiн шын ризамыз. Бүгiнгi конференция мен жалпы көңiл бөлiп, назардан тыс қалмаған тарих үшiн Абылай хан мен Кенесары ханның ұрпақтары атынан алғыс айтқым келедi», - дедi Абылай хан ұрпақтарының атынан сөйлеген өкiл.
Содан кейiн Абылай ханның ұрпақтары ҚР Президентiне ұлы қолбасшының мүсiнiн сыйлады.
