Қазақстан Президентінің Арнайы уәкілі И.Адырбеков Литваға сапармен барды

5 Наурыз, 2015 08:34

3-4 наурызда Қазақстан Республикасы Президентінің Арнайы уәкілі, Парламент Сенаты Халықаралық қатынастар, қорғаныс және қауіпсіздік комитетінің төрағасы Икрам Адырбеков Литвада болды.

Сенаттың баспасөз қызметі хабарлағандай, 2017-2018 жылдарда БҰҰ Қауіпсіздік Кеңесінің тұрақты емес мүшесі лауазымына Қазақстанды ілгерілету жөніндегі біздің еліміздің өтініші аясында Литваның сыртқы істер министрі Линас Линкявичюспен, Сейм төрағасының бірінші орынбасары Видас Гедвиласпен, Үкімет канцлері Альминас Мачюлиспен және көлік және коммуникациялар министрі Римантас Синкявичюспен кездесті.

Сыртқы саясат мекемесінің басшысымен кездесу барысында И.Адырбеков Қазақстан Президенті Н.Ә.Назарбаевтың 2017-2018 жылдарда БҰҰ Қауіпсіздік Кеңесінің тұрақты емес мүшесі болуы жөніндегі Қазақстанның өтінішін қолдау жөніндегі Литва Республикасының Президенті Д.Грибаускайтеге арналған жолдауын табыс етті.

Жүздесуде саяси және экономикалық салалардағы екіжақты қатынастар дамуының келешегі де талқыланды. Сауда және инвестициялық ынтымақтастықты тереңдету барысында екі елдің әлеуетін ескеру қажеттігі аталып өтілді.

И.Адырбеков Сейм төрағасының бірінші орынбасары Видас Гедвиласпен кездесуде екі ел арасындағы өзара қатынастарды, оның ішінде парламентаралық байланыстарды ұлғайту мәселелері туралы пікір алмасты.

Барлық жаңалықтар