• Басты
  • Атырауда жер қойнауын пайдалануда жергілікті қамту деңгейін ұлғайту мәселесі талқыланды
4 Наурыз, 2015 18:19

Атырауда жер қойнауын пайдалануда жергілікті қамту деңгейін ұлғайту мәселесі талқыланды

Атырауда IV «Қамұнайгазсервис» - 2015: мұнайгазқұрылыс және инижиниринг» конференциясы өтті. Құрылыс және инжинирингтік мердігерлік мәселесіне арналған форумға ҚР мемлекеттік органдарының жетекшілері, «Теңізшвройл», «Қарашығанақ Петролеум Оперейтинг», «Норд Каспиан Оперейтинг», «Майерск Ойл Казахстан», «Жайыкмұнайгаз», сияқты инжинирингтік және қызмет көрсету компанияларының жетекшілері қатысты», деп хабарлайды ҚР Энергетика министрлігінің өкілдері.
Атырауда жер қойнауын пайдалануда жергілікті қамту деңгейін ұлғайту мәселесі талқыланды | Strategy2050.kz

 

 "Өткен жылдың қорытындылары бойынша, мұнайгаз компаниялары құны 3,1 триллион теңге болатын тауарлар мен қызметтерді сатып алып, оның 1,7 триллион теңгесін немесе 54,4 пайызын жергілікті қамту құраған. Бұл осыдан екі жыл бұрынғы көрсеткіштен 2,5 есеге көп. Өсімнің бар екендігі айқын көрініп тұр және ол біздің басты міндеттеріміздің бірі. Бүгінде әлемдегі көмірсутегі ресурстары  мен металдарға деген бағаның құлдырауы мұнайгаз саласына салынатын инвестициялар көлемінің кемуіне ықпал етіп отыр. Соған қарамастан, біздің елде инвесторлар өте зор жобаларды жүзеге асыруды жоспарлауда. Атап айтқанда, олар қазіргі таңда Теңіз, Қарашығанақ кеніштерінінің көлемін ұлғайтуға дайындалып, Қашағаннан мұнай өндіру ісін бастамақ», -деді Энергетика вице-министрі Мағзум Мырзағалиев.  

Оның сөзінше, Мемлекет басшысының тапсырмалары негізінде Энергетика министрлігі «Қазмұнайгаз» ұлттық компаниясымен бірлесіп, жоғарытехнологиялы отандық машинақұрылысы өнімдерін дамытуды қолға алуда. Ал еліміздің жер қойнауын пайдалану аясындағы қазақстандық тауарлар мен қызметтерде қазақстандық қамту деңгейін арттыру мақсатында республиканың көптеген аймақтарында бірқатар кәсіпорындар іске қосылғалы отыр.     

Атап айтқанда, Батыс Қазақстан облысындағы машинақұрылысы компаниясының базасында General Electric компаниясымен бірлесе отырып, газ турбиналарын жөндейтін сервис орталығы құрылды. Ал, қазақстандық Service Pipe Holding  компаниясы CNPC компаниясымен бірлесіп, кең көлемді болат құбырлар дайындауды қолға алмақ. Сондай-ақ Тenaris Global Services компаниясы премиум-класты құбырлардың желімделген жерлерін кесетін зауыт ашпақшы.

ТОП-10 тізбесі аясындағы өндірістерді шектеу мен «Қазмұнайгазсервис» конференцияның аясында отандық кәсіпкерлерді тарту мақсатында еліміздің Энергетика министрлігі мен ҚР Ұлттық кәсіпкерлер палатасы арасында өзара ынтымақтастық пен бірлескен қимылдар жөніндегі Меморандумға қол қойылды.  

 

 

 

ҰСЫНЫЛАДЫ
Барлық жаңалықтар
дерекнама 2050

ШОБ ЖІӨ көлемінің 50 пайызынан артығын өндіреді

Еңбек өнімділігі 126 мың долларға дейін көтеріледі 3-тен 6 жасқа дейінгі балаларды 100 пайыз мектепке дейінгі біліммен қамту

Қазақстан өз нарығын жаңа экологиялық стандарттарға сай келетін жанар-жағармаймен толықтай қамтамасыз етеді

Жалпы экспорт ішінде шикізат емес экспорттың көлемі екі есеге, 2040 жылы үш есеге артады

Әліпбиімізді латын қарпіне көшіру ісі басталады

Қазақстандықтардың 95 пайызы қазақ тілін меңгеруі тиіс

15 пайыз егістік алқаптарына суды үнемдеу технологиялары енгізіледі

Халықты ағын сумен қамту мәселесі шешіледі

Адам басына шаққандағы ЖІӨ көлемі 60 мың долларға көтеріледі

ҚР тұрғындарының үлесі халықтың 70 пайызын құрайды