Ақтөбе облысы халқының 92,5 пайызы мемлекеттік тілді меңгерген
5 Наурыз, 2015 09:51
Зерттеу қорытындыларына сәйкес 2014 жылы мемлекеттік тілді меңгерген ересек тұрғындар үлесі 92,5%, үш тілді меңгергендер 6,3%құрап отыр. Тұрғындардың қазақ және ағылшын тілдерін меңгеру деңгейі көрсеткіштері республикалық көрсеткіштерден жоғары.
Облыстың ішкі саясат басқармасы хабарлағандай, мемлекеттік тілді үйретумен қамтылғандар саны 1280 адам.Этностық топтардың тілдерін мемлекеттік қолдаудың тиімді жүйесі құрылды: этномәдени бірлестіктердің 6 жексенбілік мектебі /украин, неміс, кәріс, шешен, татар-башқұрт, әзірбайжан/ ана тілін және мемлекеттік тілді үйренуде.
2014 жылы барлығы 398 адам қамтылды.Іс қағаздарын мемлекеттік тілде жүргізу белсенділікпен іске асырылып келеді. Мемлекеттік органдардағы қазақ тіліндегі құжат айналымының үлес салмағы 98 % құрады.Мемлекеттік тілдің коммуникативтік қолдану деңгейі артуда: бұқаралық ақпарат құралдарының контентінде қазақ тіліндегі хабарлардың үлесі 58,2 %.
