Мәжіліс Беларусь, Вьетнам, Венгрия мемлекеттеріне қатысты бірқатар актілерді ратификациялау жөніндегі құжаттарды мақұлдады

4 Наурыз, 2015 15:54

Мәжіліс депутаттары Қабиболла Жақыповтың төрағалығымен өткен пленарлық отырыста Беларусь, Вьетнам және Венгрия мемлекеттеріне қатысты бірқатар актілерді ратификациялауға қатысты заң жобаларын мақұлады, деп хабарлайды Мәжілістің баспасөз-қызметі.

Қазақстандық-беларустық үкіметаралық реадмиссиялау жөніндегі келісімді ратификациялау мен оны жүзеге асырудың тәртібі туралы атқарушы хаттамаға қатысты құжатта өзара келіскен мемлекеттер аумағында елдің территориясына кіру талаптарын орындамайтын және орындауды тоқтатқан азаматтарды анықтау мен оларды өз еліне қайтарудың тиімді тетіктері қарастырылады.

Палата депутаттары сонымен қатар, Қазақстан мен Вьетнам үкіметтері арасындағы екі мәрте салық салудан құтқаратын келісімді ратификациялау жөніндегі заң жобасын мақұлдады. Бұған қоса, халық қалаулылары «Қазақстан мен Венгрия республикалары арасындағы ұсталған адамдарды беру туралы келісімді ратификациялау туралы» заң жобасын қарады. Аталмыш заң жобасының талаптары бойынша, келісімге қол қойған мемлекеттер бір елдің аймағында қылмыс жасап жауапкершіліктен жалтарып жүрген азаматты ұстап алған жағдайда, оны екінші елдің сұрауы бойынша беруі керек.

Сонымен қатар Мәжіліс депутаттары Венгриямен қылмыскерлерді ұстап беру туралы келісімді ратификациялауға қатысты құжатты мақұлдады.