ҚР ҚК Ұшқышсыз ұшу аппараттары бөлімшелерінің сабақтары басталды
Олар 2015 жылғы 1-30 наурызы аралығында ҚР ҚК Құрлық әскерлері басқару органдары, құрамалары мен бөлімдері даярлық жоспарына сәйкес өткізіледі. Далалық шығуға бөлімшелернің жеке құрамынан 50-ге жуық адам тартылды.
Аталған іс-шара «Астана» өңірлік қолбасшылығы штабының басшылығымен өткізуде. Қазіргі заманғы жауынгерлік іс-қимылдарда ұшқышсыз ұшу аппарттары нағыз төңкеріс жасағанын атап өткен жөн.
Салмағы 10 кг аспайтын, шусыз электр қозғалтқышпен жабдықталған бұл кешендерді оператор 40 км дейінгі қашықтықта басқара алады және кез-келген уақытта мың метрлік биіктіктен ауданы 10 шаршы километр болатын аумақты жоғарыдан бақылауды жүзеге асыра алады.
Жаңа буын қуатты электрондық құрылғысы жердегі адамды көруге, нақты уақыт режимінде суретті операторға беруге қабілетті. Ұшқышсыз ұшу аппараттары қосымша әуежай түріндегі инфрақұрылымдарды және май құятын орындарды қажет етпейді, сондай-ақ іс жүзінде жердегі радарларға байқалмайды. Құрлық әскерлері бүгінгі күні қару-жарағының қатарында ұшқышсыз ұшу аппараттарының ондаған түрлері мен үлгілері бар.
