Жекешелендіру бағдарламасы аясында «Қазгеомаш» ЖШС сату туралы келісім жасалды

Бүгінгі таңда компания  «Волковгеология» АҚ еншілес құрылымы болып табылады, оның компания капиталындағы үлестік қатысуы - 49% және «Трубмашхолдинг»ЖШС  - 51 %. Келісім шарт құны 73 млн 600 мың теңгені құрады.

Аталып өткендей, «Қазгеомаш» ЖШС ОҚО-ның Шымкент қаласында орналасқан. Кәсіпорын индустриалды инновациялық жобаның бұрғы құбыры, құралдармен қажетті геологиялық барлау және уран өндірісі саласында пайдаланылатын құрылғылардың өндірісін ұйымдастыруды алғаш бастаған.

«Кәсіпорын өндірісі заманауи технологиямен жабдықталған және «Қазатомөндіріс»ҰАК»АҚ иелігіндегі бұрғылау жұмыстарын жүргізетін барлық компаниялардың қажеттілігін қамтамасыз етеді», - делінген хабарламада.

Жалпы, 2015  2016 жылдары Қазатомөндіріс»ҰАК» АҚ 6 жобаны жүзеге асыруды жоспарлады. Олардың ішінде «Қызылту»ЖШС 25,9 - 76% акциясы мен «Реммонтажсервис» ЖШС 100% акциясы бар.

Айта кетерлік жайт, Жекешелендіру бағдарламасы аясында жыл басынан бері сатуға шығарылған 59 компанияның 13 бойынша келісім жасалды, оның ішінде 11 бойынша сатып алу жұмыстары соңына таяп қалды. Бұл активтердің жалпы құны 24,5 млрд теңгені құрайды және бұл бағалау құнынан 1,35 есе жоғары.