Алматы облысында үздік спортшылар мен жаттықтырушыларға ақшалай сертификаттар табысталды (Фото)
«Қазақстан Республикасының Президенті Нұрсұлтан Әбішұлы Назарбаев «Қазақстан - 2050» Стратегиясында «Дене шынықтыру мен спорт мемлекеттің айырықша назарында болуы тиіс. Нақ сол саламатты өмір салты ұлт денсаулығының кілті болып саналады» деп атап өткен болатын. Осыған орай, Елбасының тапсырмасы аясында облыс спортшыларының халықаралық және республикалық жарыстарда топ жаруы үшін бүгінгі күні барлық жағдайлар жасалуда. Атап айтсақ, 2014 жылы облыс спортшылары барлығы 1167 медальға қол жеткізіп, еңбек сіңірген 2 спорт шебері, халықаралық дрежедегі 24 спорт шебері, 125 спорт шеберлері мен 495 спорт шеберлігіне үміткерлер анықталды», - деп атап өтті Амандық Баталов.
Үздік 6 спортшы мен 8 жаттықтырушыға облыс әкімінің дипломы табысталып, оларға 150 мың теңге ақшалай силық берілді. Олардың ішінде Маргарита Елисеева, Тоқтар Каркатеров, Нұржан Жұмажан, Ербол Дүкенбаев, Александр Гетало мен Дмитрий Солянин бар.
Тура осындай облыс әкімінің атынан дипломдар мен 500 мың теңгелік ақшалай сыйлығы 2014 жылы үздік деп танылған спорттық мекемелерге де берілді. Олардың қатарында Талдықорған қаласындағы №1жасөспірімдерге арналған олимпиадалық резерв мектебі, «Жетісу» волейбол клубы және Қарасай аудандық спорт бөлімі бар.
Спорттық жаңалықтарды тұрақты түрде бұқаралық ақпарат құралдарында насихаттап жүретін журналистер де облыс әкімінің дипломдары мен ақшалай сыйлықтарынан шет қалмады.
Кездесуде «Жетісу» әйелдер волейбол командасының бастығы В.Шапран және қазақша күрестен Тохтар Каркатеров сөз сөйлеп, алдағы уақытта бұдан да жоғары жетістіктерге қол жеткіземіз деп уәделерін берді.
