Ақтөбеде 100 жасаған әжелер Халықаралық әйелдер күнімен құттықталды
4 Наурыз, 2015 13:05
8 Наурыз-Халықаралық әйелдер күні қарсаңында «Ақ бата» акция барысында әкімшілік тарапынан 100 жасаған әжелерді құттықтау жүргізіліп жатыр, деп хабарлады облыстың ішкі саясат басқармасы.
Ақтөбе қаласында 100 жасаған 15 азаматша тұрады.Ол аналарымыздың барлығы ер азаматтармен бірге сұрапыл соғыс кезінде тыл еңбек етіп, соғыстың ауырлығын көтергендер, екі әжеміз Ұлы Отан соғысынан қайтпаған ардагерлердің жесірі.
Осы мерекеге байланысты қала әкімдігінің және қала маслихаттының өкілдері Нурманова Рахи әжейді үйіне барып мерекесімен құттықтап, сыйлық тапсырады.
Нурманова Рахи әжеміз 1915 жылы туған, саналы өмірінде Ырғыз ауданында колхозда жұмыс жасаған. 5 бала тәрбиелеп өсірген, аяулы ана. Олардан 19 немере, 35 шөбере, 1 шөпшек сүйіп отырған бақытты әже.
