Инвестициялық компания Өскемен ЖЭО-на құны 197 млн теңге тұратын "жасыл технология" енгізді

4 Наурыз, 2015 12:13

Титан-магний комбинаты мен жуырдағы елді мекендерді жылумен қамтамасыз ететін Соғыр ЖЭО-ның өкілдері экологиялық қауіпсіздік шараларын жетілдіруге бағытталған үшжылдық жобаны аяқтағандарын мәлім етті.

Атом және энергетикалық бақылау және қадағалау комиететі өкілдерінің мәлімдеулерінше, кәсіпорында шаң-тозаң мен газдан тазартатын заманауй құрылғы орнатылған. Инновациялық құрылғы фильтрлерде зиянды заттары бар 99 пайыз шаңды-тозаңды ұстап қалуға мүмкіндік береді. Құрамына Соғыр ЖЭО-ы кіретін аталмыш жобаны жүзеге асыруға инвестициялық компания 197 миллион теңге салған. Сондай-ақ тағы 200 миллион теңге ағын сулардан тазалау құрылғыларын орнатуға жұмсалды. Осы құрылғылардың көмегімен мамандар ауаға қандай лас қалдықтар тасталатындығын біліп отырады. Зиянды заттар белгілі нормадан асып кеткенде дер кезінде тиісті шаралар қолдануға мүмкіндік береді. ЖЭО-ның өкілдері жасыл технологиялардың жергілікті халықтың өмірінің сапасын арттыруға мүмкіндік беретіндігіне сенімді.

Комитет өкілдерінің мәліметтерінше, «Соғыр АЭС ЖЭО» жауапкершілігі шектеулі серіктестігі тиімділікті 98,9 пайыздан 99,1 пайызға дейін жеткізсе, зиянды заттар мен шаң-тозаңды 30 пайызға, диоксидті 5-тен 15 пайызға дейін азайтады.

Барлық жаңалықтар