Қостанай мен Челябинск облыстарының басшылары ынтымақтастық жөніндегі бірқатар меморандумдарға қол қойды
Екі елдің шекаралық ынтымақтастығын дамытуға бағытталған қазақстандық-ресейлік форум барысында Қостанай облысының әкімдігі мен мен Челябинск облысы Үкіметінің арасында 2015-2018 жылодарға арналған сауда-экономикалық, ғылыми-техникалық және мәдени ынтымақтастық жөніндегі келісімді жүзеге асыруға қатысты жоспарға қол қойылды.
Бұған қоса Қостанай мен Челябинск облыстарының білім басқарамаларының арасында Техникалық және кәсіби білім беру бойынша ынтымақтастық жөніндегі Меморандумға қол қойылды. Сондай-ақ «Тобыл» әлеуметтік кәсіпкерлік корпорациясы мен «Челябинск облыстық инвестициялық даму агенттігі» арасында, Қостанай облысы мен «Чурилово» агрөнеркәсіп кешені арасында ынтымақтастық жөніндегі Меморандумға қол қойылды.
Аталғандармен қоса В2В биржа қатынастары ұйымдастырылып, аймақтық кәсіпкерлер палаталарының, әлеуметтік кәсіпкерлік корпорацияларының, оңтүстікоралдық сауда-өнеркәсіп палатасының, инвестициялық даму агенттігі өкілдерінің қатысуымен «Бірлескен жобаларды жүзеге асырудың болашағы» атты тақырыпта конференция өтті.
Қостанайлық делегация Кунашак ауданындағы «Здоровая ферма» компаниялар тобы, «Челябинский трубопрокатный завод» ААҚ-ы, «Ариант» ет өнімдерінің фабрикасында болды. Делегация сонымен қатар, жүрек қан-тамыр хирургиясы федералды орталығы, облыстық балалар клиникалық ауруханасы мен Мемлекеттік лазерлі хирургия институтын аралып көрді.
