• Басты
  • Ресей-Қазақстан байланыстарын нығайтуда қашықтықтан білім беру технологиялары маңызды рөл атқара алады – Таушканов

Ресей-Қазақстан байланыстарын нығайтуда қашықтықтан білім беру технологиялары маңызды рөл атқара алады – Таушканов

4 Наурыз, 2015 10:21
Инновациялық Еуразия университетінде «Сибирь-Евразия» сараптама клубының халықаралық семинары өтті, деп хабарлады ҚР Білім және ғылым министрлігі.

Семинарға ресейлік және қазақстандық ЖОО-лар қатысты. Семинар «Шекара бойындағы ынтымақтастың гуманитарлық қоржыны. Қашықтықтан білім беру саласындағы біліам мен ынтымақтастықтың экспорты» тақырыбымен өтті.

Министрліктен атап өткендей, сараптама алаңында талқыланған басты мәселе еуразиялық кеңістіктегі нақты интеграция негіздері ретінде жалпы мәдени және білім беру кеңістігін қалыптастыру болды

«Славян мәдени орталығы» қоғамдық бірлестігінің төрайымы Татьяна Кузинаның пікірі бойынша, Қазақстан мен Ресейдің білім беру жүйелерінің өзара кірігуі үшін қолданылуы тиіс маңызды ресурс – мемлекеттер арасындағы тығыз мәдени байланыстар.

Ресей-Қазақстан байланыстарын нығайтуда қашықтықтан білім беру технологиялары маңызды роль атқара алады. РФ Президенті жанындағы РАНХиГС филиалы – Сібір басқару институтының сырттай және қашықтықтан білім беру факультетінің деканы Н.Н. Таушканов ресейлік институттың соңғы он жылда жүзеге асырып келе жатқан қашықтықтан оқыту моделін сипаттап берді. Инновациялық Еуразия университетінің қаржы және даму жөніндегі вице-президенті Лариса Фрезоргер өзара қызметтің мүмкін болатын негізгі бағыты ретінде бакалаврлар мен магистрлерді даярлаудың бірлескен бағдарламаларын ұсынды.

Айта кетерлік жайт, сарапшылар көрсеткен тағы бір маңызды аспект – орыс тілінің қазіргі жағдайдағы ролі. ИнЕУ-дің журналистика және филология кафедрасының меңгерушісі, профессор А.Р. Бейсембаев өз сөзінде атап өткендей, орыс тілі еуразиялық кеңістік азаматтарының коммуникативтік құзыреттілігінің басты ресурсына айналып келеді. Новосибирск қ. Сибирск федеральды округінде тұратын, қазақша сөйлейтін диаспора үшін қазақ тілінде диктант алу ресейліктердің қызығушылығын оятты.

Барлық жаңалықтар