• Басты
  • Қарағанды облысында 2015 жылы балабақшаларда 2 мыңға жуық орын ашылады

Қарағанды облысында 2015 жылы балабақшаларда 2 мыңға жуық орын ашылады

4 Наурыз, 2015 09:48
Қарағанды облысында 2015 жылы «Балапан» бағдарламасы аясында балаларға арналған мектепке дейінгі мекемелерде 2 мыңға жуық орын ашу жоспарлануда, деп хабарлады білім басқармасы бастығының міндетін атқарушы Бақытгүл Әдекенова аппарат отырысында.

Ол атап өткендей, «Балапан» бағдарламасы іске қосылғаннан бері 3-6 жас аралығындағы балаларды біліммен қамту 11,6 %-ға артқаны мәлімделді. Мектепке дейінгі білім беру мекемелері 389-дан 509-ға дейін артқан.Ал, балабақшамен қамтылған балалар саны 52,4 мыңға жетті.

«2014 жылдың соңында 1-6 жас аралығындағы балаларды біліммен қамту 87%, 3-6 жас аралығындағы балалардың біліммен қамтылуы – 98%-ды көрсеткен. Сонымен қатар кезекте тұрған балалар саны да жетерлік. Олар – 28 567 бала», - делінген хабарламада. 

Бұдан басқа, жыл соңына дейін Жезқазған және Балқаш қалаларында 2 балабақша салу, ал, Қарағандыда «Нұрлы жол» бағдарламасы аясында жаңа балабақша салу жоспарланған. 

 

Барлық жаңалықтар