ҚР Елшісі Уругвай Президентіне Мемлекет басшысының құттықтау хатын табыс етті

ҚР Сыртқы істер министрлігі хабарлағандай, іс-шара болмыш елдің басшылығы мен парламентарийлердің, сондай-ақ, жоғары деңгейдегі шетелдік қонақтардың, соның ішінде, Бразилия Президенті Д. Руссефф, бұрынғы Испан Королі Хуан Карлос I, Куба, Парагвай, Чили және басқа да мемлекет басшыларының қатысуымен Уругвай Бас Ассамблеясы «Palacio Legislativo» (Заңнама сарайы) ғимаратында өткізілді.
Ұлықтау іс-шарасы шеңберінде Б. Ордабаев Уругвай Президенті Т.Васкеспен протоколдық кездесу өткізді. Қазақстандық дипломат Елбасы Н. Назарбаевтың Уругвай Президентінің сайлауда жеңіске жетуіне орай жолдаған құттықтау хатын табыс етті. 

Б.Ордабаев Уругвай Үкіметіне 2017-2018 жж. БҰҰ Қауіпсіздік Кеңесінің Тұрақты емес мүшесі болуына Қазақстан Республикасының кандидатурасын қолдағаны үшін зор ризашылығын білдіре отырып, үстіміздегі жылы Қазақстанда жоспарланып отырған Қазақ хандығының 550-жылдығы, Қазақстан Халқы Ассамблеясының 20-жылдығы, ҚР Конституциясының 20-жылдығы, Астанада өтетін Әлемдік және дәстүрлі дін лидерлерінің V Съезі сияқты және басқа да маңызды іс-шаралар жайлы хабардар етті.

Т. Васкес Қазақстан Республикасының Президенті Н. Назарбаевтың құттықтау хатына алғысын білдіре отырып, Елбасына зор денсаулық және жақсылықтар, ал Қазақстан халқына одан әрі өркендеуіне, гүлдене беруіне өз тілектестігін білдірді. Ол Қазақстан мен Уругвай арасында жылы, достастық рухта қалыптасқан қатынастар одан әрі жалғастырылатынғына сендірді.

Сонымен қатар, қазақстандық дипломат ұлықтау рәсімі шеңберінде жаңадан тағайындалған Уругвай Сыртқы істер министрі Родольфо Нин Новоамен және бұрынғы Сыртқы істер министрі Луис Альмагро Лемеспен кездесулер өткізді.