Баланың күтіміне байланысты кірісінен айырылған азаматтарға 94,7 млрд теңге төленді – ДСӘДМ
4 Наурыз, 2015 09:08
2014 жылы Мемлекеттік әлеуметтік сақтандыру қорынан (МӘСҚ) қазақстандықтарға бала туылуына, асырап алуына және күтіміне байланысты 94 млрд. теңгеден астам қаражат төленді, деп хабарлады денсаулық сақтау және әлеуметтік даму министрлігі.
Егер азаматша міндетті әлеуметтік сақтандыру жүйесінің қатысушысы болса, оған республикалық бюджеттен берілетін әлеуметтік жәрдемақыдан басқа, жүктілік пен босануға, бала асырап алуына байланысты кірісінен айырылған жағдайда МӘСҚ-нан әлеуметтік төлемдер беру қарастырылған. 2014 жылы мұндай әлеуметтік төлемдер 44,6 млрд. теңге сомаға 172 778 әйелге берілді. Бір жасқа дейінгі баланың күтіміне байланысты кірісінен айырылған жағдайда МӘСҚ-нан берілген ай сайынғы төлемнің орташа мөлшері 2014 жылы 18 659 теңгені құрады. 2015 жылғы 1 қаңтардағы жағдай бойынша әлеуметтік төлемнің мұндай түрін 50,1 млрд. теңге сомаға 184,3 мың әйел алды.
