Ақтөбе облысында 2014 жылы ШОБ субъектісінің саны 10 пайызға өсті
4 Наурыз, 2015 09:23
Ақтөбе облысында тіркелген шағын және орта кәсіпкерлік субъектісінің саны 10% өсіп 63,9 мың бірлікті құрады, деп хабарлады облыстың ішкі саясат басқармасы.
Есептік кезеңде облыста тіркелген шағын және орта кәсіпкерлік субъектісінің саны 10% өсіп 63,9 мың бірлікті, оның ішінде белсенді шағын және орта кәсіпкерлік субъектілері 39,6 мың бірлікті құрады, олардың шығарған өнімінің көлемі 400 млрд.теңгеге жетті.
Шағын және орта кәсіпкерлік субъектілерінен түскен салық және басқа да бюджеттік төлемдер 124,0 млрд. теңгені құрады және ол 2013 жылмен салыстырғанда 7,5% жоғары.
Елбасы 2050 жылға дейін Қазақстанда кәсіпкерлікті дамыту еліміз үшін экономикалық нарықта стратегиялық басымдылық бағыттары болып табылатынын және ішкі жалпы өнімнің көлемін 50 пайызға жеткізу қажеттілігін атап көрсетті.
