• Басты
  • Қарағандыда Ұлы Жеңістің 70 жылдығының алауы тұтатылды
3 Наурыз, 2015 16:49

Қарағандыда Ұлы Жеңістің 70 жылдығының алауы тұтатылды

Кеше жастардың Ұлы Жеңістің 70 жылдығын мерекелеуге арналған облыстық кең ауқымды «70 жылдыққа – 70 күн!» акциясы өтті.
Қарағандыда Ұлы Жеңістің 70 жылдығының алауы  тұтатылды

Шараға Ұлы Отан соғысы мен тыл ардагерлері және жас буын өкілдері қатысты, деп хабарлады облыс әкімдігі.

«Адамзат тарихындағы алапат со­ғыста соңғы рет оқ атылған сәтке 70 жыл толды. Бейбіт күнге куәгер кейінгі ұр­пақ ардагерлеріміздің ерлігі мен есімін еш ұмытпайды», – деді облыс әкімі Н.Әбдібеков.

«Жеңіс алауы» эстафетасының басталуына пәрмен берді.«Жеңіс алауы» 70 күн бойы облыстың қала және аудандарының көшелері бойымен салтанатты түрде өтетін болады. Эстафета биылғы жылдың 9 мамырында Қарағанды қаласындағы «Мәңгілік алау» мемориалында мәреге жетеді.

Алауды қабылдап алу және ұсыну үшін ҰОС ардагерлерінің, облыстың және аймақтар басшыларының, жас әскери қызметкерлердің, оқушы, студент жас­тардың лайықты өкілдері қатарынан арнайы топ құрылған.

Сондай-ақ, шара барысында ҰОС ардагерлерінің жастарға арналған «Бей­бітшілікті сақтаңдар!» үндеуі оқылды.

Ұлы Отан соғысының ардагері Ни­ко­лай Пастухов оқыған бұл мәтін арнайы капсулаға салынды. Және Ұлы Жеңістің 100 жылдық мерейтойы­на дейін сақталуы үшін Қарағанды облысының тарихи-өлкетану мұражай­ына тапсырылды. 

Қарағанды қаласының үздік шы­ғармашыл топтарының әуенді-сазды бағдарламасына ұласқан мерекелік іс-шарада тарихтан сыр шертетін кө­ріністер де көрсетілді.
 

Барлық жаңалықтар