Г.Әбдіхалықова: Ұлттық комиссия «Нұрлы жол» инфрақұрылымдық жобаларына әйелдердің қатысуына ықпал етеді

3 Наурыз, 2015 12:17

Ақордада ҚР Мемлекеттік хатшысы, ҚР Президенті жанындағы Әйелдер істері және отбасылық-демографиялық саясат жөніндегі ұлттық комиссия төрайымы Г.Әбдіқалықова мен Орталық Азиядағы Қазақстандағы «БҰҰ-әйелдер» төрағасы, «БҰҰ-әйелдер» көпбағытты бөлімінің директоры Илейн Конкиевич кездесті.

Кездесуге Ұлттық комиссия төрағасының орынбасары, ҚР Парламент Мәжілісінің депутаты Елена Тарасенко қатысты.

Мемлекеттік хатшы Қазақстанның «БҰҰ-әйелдер» ұйымымен ынтымақтастығының жоғары дәрежесін атап өтті. Ол гендерлік теңсіздік бойынша жұмыстар жүргізу мен БҰҰ әйелдер қарым-қатынасына байланысты тұжырымдамасын сақталуына біздің ел де атсалысып жатқанын атап өтті.

«БҰҰ әйелдер» ұйымының белсенді қатысуымен Қазақстанда 2006-2016 жылдарға арналған гендерлік теңсіздік туралы стратегия қабылданған болатын.

Г.Әбдіқалықова әйелдердің заманауи қоғамдағы рөлінің дамуына жағдай жасалуы керектігін айтып өтті.

Мемлекеттік хатшы атап өткендей, Мемлекет басшысының «Нұрлы жол» бағдарламасы аясында Ұлттық комиссия Нұрлы жол» бойынша жүзеге асып жатқан барлық инфрақұрылымдық жобаларға әйелдердің қатысуына ықпал етеді.

Тараптар ынтымақтастықтың одан әрі жалғасуы мен әйелдерді жұмыспен қамту, әйел кәсіпкерлерді қолдау сұрақтарын талқылады. Сондай-ақ, аналар мен балаларды қорғау, тұрмыстық зорлық, отбасы және рухани құнжылықтарды нығайту мәселелері талқыланды.

Барлық жаңалықтар