ХҚДБ Қазақстанда энерготиімділік бойынша кепілдік жобаны жүзеге асырады

3 Наурыз, 2015 12:12

Халықаралық қайта құру және даму банкі Қазақстанға мемлекеттің энерготиімділігін арттыру мақсатында 21,7 млн доллар бөледі, деп хабарлады ҚР ИДМ Индустриалды даму және өндірістік қауіпсіздік комитетінің төрағасы Аманияз Ержанов ОКҚ-да.

«Халықаралық ұйымдармен серіктестік орнату бойынша белсенді жұмыстар жүргізілуде, дәлірек айтсақ Президенттің энерготиімділікті арттыру аясында 21,7 млн доллар сомасына Қазақстан Респубикасы мен Халықаралық қайта құру және даму банкі арасында келісімге отыру туралы Жарлығына қол қойылды», - деп мәлімдеді А. Ержанов.

Осы ретте, Комитет төрағасы атап өткендей, энерготиімділік бойынша кепілдік жоба бөлінген қаржыға Қазақстандағы 70-ке жуық мектептердің, балабақшалардың, ауруханалар мен нысандардың энерготиімділігін артыруға, жаңғыртуға, техникалық көмегін жақсартуға және аталмыш саладағы нормативті-заңнамалық базаны нығайтуға, Астанада энерготиімділік орталығын ашуға бағытталады.

«Аталмыш жоба шеңберінде біз бюджеттік салада жылына 5 жобаға дейін жүзеге асыратын боламыз», - деп толықтырды ол.

Айта кетерлік жайт, жоба 2017 жылдың 30 маусымына дейін есептелген.

Индира Кауметова