Ақтөбе облысында 2014 жылы 4 мың жаңа пәтер пайдалануға берілді

«Нұр Ақтөбе» шағын ауданында тұрғын үй құрылысы жинақтары жүйесі арқылы жалпы алаңы 64,78 мың шаршы метр төрт тұрғын үйі пайдалануға беріліп, 726 отбасы жайлы тұрғын үймен қамтамасыз етілді.

ІСБ хабарлағандай,  Ақтөбе қаласының «Нұр Ақтөбе» тұрғын кешенінде жас отбасылар үшін жалпы алаңы 19,04 шаршы метр жалға берілетін тұрғын үй пайдалануға беріліп, 216 жас отбасы жайлы тұрғын үймен қамтамасыз етілді.Кезекте тұрған жергілікті атқарушы органдар қызметкерлері үшін «Нұр Ақтөбе» шағын ауданындағы №15 кредиттік тұрғын үйге жанасқан жалпы алаңы 10,25 мың шаршы метр 127 коммуналдық пәтер мен Хромтау қаласында 24 пәтер пайдалануға берілді.Сонымен қатар, әкімдікте кезекте тұрғандар үшін жалпы алаңы 19,28 мың шаршы метр тұрғын үй пайдалануға берілді, яғни, Алға, Ырғыз, Қобда, Темір, Ойыл және Хромтау аудандарында 8, 2 және 1 пәтерлі жалға берілетін тұрғын үйлер және Ақтөбе қаласында 216 пәтерлі тұрғын үй салынып, пайдалануға берілді, 268 отбасы жайлы тұрғын үймен қамтамасыз етілді.

Есебі беріліп отырған кезеңнің ішінде 353,8 км инженерлік желілер пайдалануға берілді, оның ішінде: электрмен жабдықтау желісі – 78,3 км, сумен жабдықтау желісі – 234,2 км, кәріз желісі – 0,5 км және газбен жабдықтау желісі – 40,8 км. Бұл мақсаттарға 4,3 млрд. теңге бөлініп, игерілді.