Қарағанды облысында энегоүнемдеу технологияларын енгізу нәтижесінде 50 млн теңге үнемделді

Облыстың энергетика және ТКШ басқармасының басшысы Сергей Касимов энергоүнемдеу жұмыстары туралы әңгімеледі.  Энергоүнемдеудің кешенді жоспары шеңберінде энергоүнемдеуші шамдар, автоматтандырылған жылу беру пункттері, пластикті шыны пакеттер орнатылған. Шатырлар жөнделіп, жылу беру қа­зан­дықтары заманауи үнемдеу қон­дыр­ғыларына ауыстырылған.

«Нәти­жесінде, 2014 жылы бюджеттік сала нысандарында электр энергиясын үнемдеу көлемі 3 млн. 783 мың кВТ/сағатты немесе 45,396 млн. теңгені құраған. Және де құны 4,44 млн. теңге болатын 1 мың 266 Гкал жылу энергиясы үнемделген», - деді ол.

Өнеркәсіп және энергетика саласындағы нысандарда ішкі жаңар­ту және цехтардың, жылу­мен қамту жүйелерінің сыртын жа­рықтандыру, тозған технология­лық жаб­дықтарды энергоүнемдеуші құ­рылғыларға ауыстыру жұмыстары жүргізілген. Осылайша, 22 млн.кВт электр энергиясы, 32,1 мың Гкал жылу энергиясын, 2,8 мың шаршы метр суды, 852 мың тонна көмір мен 34,5 мың тонна сұйық отынды үнемдеуге мүмкіндік туған.

Тұрғын үй-коммуналдық шаруа­шы­лығын жаңғырту бағдаламасы арқылы 2014 жылы облыс бойынша 63 көппәтерлі тұрғын үй жөнделген. Бұл – коммуналдық ин­фрақұрылымды 20-30 %-ға жақсар­тып, жылу және электр энергиясын үнемдеуге ықпал еткен.

«Ешбір жоба энергоүнемдеуші жабдықтар мен технологияларсыз жүзеге аспауы тиіс», – деді аймақ бас­шысы.