2014 жылы Астана қаласының сыртқы сауда айналымы 17,3 пайызға өсті
3 Наурыз, 2015 14:04
2014 жылғы қаңтар-желтоқсанда Астана қаласының сыртқы сауда айналымы 2425349,8 мың АҚШ долларын құрап, өткен жылғы сәйкес кезеңмен салыстырғанда 17,3%-ға өсті, деп хабарлады қаланың статистика департаменті.
«Экспорт 22,5%-ға өсіп, 361076,7 мың АҚШ доллары сомасында қалыптасты, импорт - 16,5%-ға өсті және 2064273,1 мың АҚШ долларын құрады», - делінген хабарламада.
2014 жылғы қаңтар-желтоқсанда Ресей Федерациясына экспорт 357969,8 мың АҚШ долларын құрап, өткен жылдың сәйкес кезеңімен салыстырғанда 22,8%-ға көбейді , импорт - 1927931,5 мың АҚШ долларын құрады және өткен жылғы сәйкес кезеңмен салыстырғанда 13,2%-ға өсті.
2014 жылғы қаңтар-желтоқсанда Беларусь Республикасынан импорт - 136341,6 мың АҚШ долларын құрады, өткен жылғы қаңтар-желтоқсанмен салыстырғанда 96%-ға өсті.
