Астанада отандық қысқаметражды фильмнің тұсаукесері өтті (Фото)

«Ай Күнді жақсы көреді» - Алишер Сүлейменовтың «Құс» картинасының жалғасы, ол 1990 жылы шыққан болатын. Киевтегі «Жастық» халықаралық кинофестивалінде 1-ші сыйақыға ие болған. Сондай-ақ, Мәскеуде жастар фильмі мен Ташкенттегі кинофестивальдің лауреаты атағына ие болады. «Ай Күнді жақсы көреді» махаббат пен қайырымдылық туралы 10 фильмді қосады. Фильмнің бюджеті отандық арт-хаус жанрына бей-жай қарамайтын меценаттар тобынан жиналды.

Фильм ішкі жан-дүниесі әр түрлі жандардың микротарихынан құралған. Олардың барлығын сүю және сүйікті болу қалауы біріктіреді. Заманауи әлемде барлық адам жылулықты, махаббатты қажет етеді. Режиссер осы сезімдерді байқатқысы келген.

Картина авторы хабарлағандай, ол фильм музыкасын өзі шығарған. Новелланың түсірілімі Алматы маңайында өтті.

Киноновелланы атақты режиссер ҚР Мемлекеттік премиясының лауреаты Сатыбалды Нарымбетов жоғары бағалады.

Алишер Сүлейменовтың айтуынша, фильм тек Қазақстан аймағында ғана емес, оның сыртында да көрсетілмек. Оны Еуропа мен АҚШ кинозалдарында көрсету бойынша продюсерлермен келіссөздер жүргізілуде.

Индира Кауметова