ҚХА-ның 20 жылдығына орай Қызылорда студенттері танымдық конференция өткізді
3 Наурыз, 2015 10:58
Қазақстан халқы Ассамблеясының 20 жылдығына орай Қорқыт Ата атындағы Қызылорда мемлекеттік университетінің Студенттер сарайында «Қазақстан халқы Ассамблеясы: тұрақтылық, келісім, өрлеу» атты облыстық танымдық конференциясы болып өтті.
Облыс әкімдігі хабарлағандай, алғы сөз Қазақстан халқы ассамблеясының облыстық хатшылығының басшысы Төрешова Ләйля Бегалықызы берілді. «Қазақстан халқы Ассамблеясы» кафедрасының меңгерушісі Мыңжас Нұрлыбек Кәрібозұлы ұлттық тарихтың маңызды факторларын баяндап берді.
Жиын соңында Қазақстан халқы Ассамблеясы өзінің 20 жылдық мерейтойында ұлт тарихындағы жаңа белесті, яғни кезектен тыс Президент сайлауын өткізу туралы бастамасын көтергендігі жайында сөз қозғалып, барша қатысушылар бұл науқанның өткізілуіне қолдау білдіретінін айқындау мақсатында Үндеу қабылдады.
