ҚР ҚМ Әскери-техникалық мектебінің тәрбиеленушісі әскери ант қабылдады

Қорғаныс министрлігі хабарлағандай, Ұлы Отан соғысында құрбан болған жауынгерлерге мәңгілік тағзым ескерткіші басында өткен салтанатты іс-шарада әр тәрбиеленуші Отан алдында адал қызмет атқаруға ант беріп, Қазақстан Республикасы Қарулы Күштерінің қатарына кірді.

 «Қазақстан Қарулы Күштерінің лайықты әскери-оқытылған резерв даярлау - біздің мектебіміздің басты міндеті. Былтырғы жылы біздің оқу орыны 16 взвод немесе 500-ден астам адам даярлады»,– деп салтанаттты рәсімде ҚР ҚМ Әскери-техникалық мектебі тараздық филиалының директоры запастағы подполковник Алексей Голубев атап өтті.

Әскери мектептің жаңа тәрбиеленушілері оқу үдерісіне кіріседі. Олар 40 оқу күні ішінде әскери-оқытылған резерв даярлау бағдарламасының аясында әскери-техникалық мамандықтардың біреуін меңгереді. Атап айтсақ, жақында «мерген» мамандығы бойынша білім алған тәрбиеленушілердің кезекті түлектерінің бітіру рәсімі өтті.

Оқу бағдарламасының аясында олар тактикалық, саптық және оқ ату даярлығының ерекшеліктерін зерделеп, «Оңтүстік» өңірлік қолбасшылығының «Айша бибі» полигонында тәжірибелік сабақтарға қатысты. Содан соң тәрбиеленушілер сынақтарын сәтті тапсырып болған соң, курстарды аяқтағаны туралы сертификаттарды алды және әскери билетті алу құқығына ие болды.