Сенат денсаулық сақтау мәселелері бойынша заң жобасын қарады
2 Наурыз, 2015 17:08
Ғылым және әлеуметтік-мәдени даму комитетінің кеңейтілген кеңесінде «ҚР денсаулық сақтау мәселесі бойынша кейбір заңнамалық актілеріне толықтырулар мен өзгертулер енгізу» заң жобасы қаралды.
ҚР Парламент Сенаты хабарлағандай, заң жобасы мемлекеттік реттеуді жетілдіру мен денсаулық сақтау саласын басқару, денсаулықты нығайту мен халықтың өмір сүруін ұзарту, дәрілік саясатты жетілдіру саласына бағытталған.
Заң жобасы ҚР Еңбек кодексіне өзгертулер енгізуді қарастырады, сондай-ақ, «Денсаулық сақтау жүйесі мен халық денсаулығы туралы», ҚР қылмыстық-атқарушы кодексі, Әкімшілік құқықбұзушылық туралы кодексіне өзгерістер енуі мүмкін.
