2 Наурыз, 2015 16:06

«Нұрлы жол» бағдарламасы аясында тұрғын үйдің 50% жас отбасыларға үйлестіріледі

Қазақстанда «Нұрлы жол» бағдарламасы аясында тұрғын үйдің 50% жас отбасыларға үйлестіріледі, деп мәлімдеді ҚР Премьер-Министрінің бірінші орынбасары Бақытжан Сағынтаев Астанадағы «Бәйтерек»ҰБХ»АҚ жанындағы Қоғамдық кеңестің бірінші отырысында.

«Әлеуметтік жалға беру үйлерді бөлу барысында көп балалы отбасыларға, толық емес отбасыларға, мүгедек баласы бар немесе оны тәрбиелеп отырған отбасыларға, жетім балаларға, ата-анасының қамқорлығынсыз қалған балалар, оралмандарға, мемлекеттік қызметкерлер, әскери қызметкерлер, арнаулы мемлекеттік орган қызметкрелер, бюджеттік ұйым қызметкерлеріне басымдылық беріледі. Осы ретте, баспананың 50% кемінде үш жыл некеде тұрған, балалары бар жас отбасыларға үйлестіріледі. Айта кетерлік жайт, ерлі-зайыптылардың екеуі де 35 жасқа толмаған болуы тиіс», - деп мәлімдеді ол.

Сонымен қатар, Сағынтаев толықтырып өткендей, тұрғын үй коммуналдық қордан тұрғын үй алуға 300-мыңнан астам адам кезекте тұр. «Оның ішінде 130 мыңнан астамы – әлеуметтік аз қамтамасыз етілгендер санатынан, 124 мың адамы - бюджеттіктер мен мемлекеттік қызметкерлер және 44 мыңы жетім балалар. Және бұл кезек болашақта одан ары ұлғая береді», - деп түсіндірді ол.

Сонымен, «Нұрлы жол» бағдарламасы аясында 29 мың пәтерді салушылардан сатып алу және салу жоспарлануда. Олардың ішінде 60%-ға жуық жалға берілетін үйлер Астана, Алматы, Шымкент, Ақтөбе қалаларында және 40% облыс орталықтарында, моноқалаларда пайдаланылуға беріледі.

«Елбасының тапсырмасы аясында аймақтарды дамыту бағдарламасы қайта қаралып, сәйкесінше өзгерістер енгізілген болатын», - деп атап өтті Сағынтаев.

Бұдан басқа, бағдарламаны жүзеге асыру аясында 49 мың жаңа жұмыс орны құрылады, оның 20 мыңы ағымдағы жылы және тағы 650 аталмыш үйлерді пайдалануға берілу барысында жұмыспен қамтылады.

Индира Кауметова

ҰСЫНЫЛАДЫ

Барлық жаңалықтар

дерекнама 2050

ШОБ ЖІӨ көлемінің 50 пайызынан артығын өндіреді

Еңбек өнімділігі 126 мың долларға дейін көтеріледі 3-тен 6 жасқа дейінгі балаларды 100 пайыз мектепке дейінгі біліммен қамту

Қазақстан өз нарығын жаңа экологиялық стандарттарға сай келетін жанар-жағармаймен толықтай қамтамасыз етеді

Жалпы экспорт ішінде шикізат емес экспорттың көлемі екі есеге, 2040 жылы үш есеге артады

Әліпбиімізді латын қарпіне көшіру ісі басталады

Қазақстандықтардың 95 пайызы қазақ тілін меңгеруі тиіс

15 пайыз егістік алқаптарына суды үнемдеу технологиялары енгізіледі

Халықты ағын сумен қамту мәселесі шешіледі

Адам басына шаққандағы ЖІӨ көлемі 60 мың долларға көтеріледі

ҚР тұрғындарының үлесі халықтың 70 пайызын құрайды