• Басты
  • Оқу-жаттықтыру сабақтары аясында әскери бөлім жауынгерлік әзірлікке келтірілді (Фото)
2 Наурыз, 2015 20:42

Оқу-жаттықтыру сабақтары аясында әскери бөлім жауынгерлік әзірлікке келтірілді (Фото)

ҚР ҚК ҚӘ Аэроұтқыр әскерлерінің 68665 әскери бөлімі 36 десанттық-шабуыл бригадасында шартты түрде жауынгерлік дабыл жарияланды.
Оқу-жаттықтыру сабақтары аясында әскери бөлім жауынгерлік әзірлікке келтірілді (Фото)

Қорғаныс министрлігі хабарлағандай, әскери қызметшілерге техника мен жеке құрамды шартты орынға жедел жеткізу тапсырмасы берілді. Көзделген жерге жеткен соң барлық элементтері қамтылған, әскери қызметшілерді қызметке қажетті жағдайлармен: басқару пунктімен, медициналық пунктпен, далалық асханамен және басқа да нысандармен қамтамасыз ету үшін далалық лагерді өрістету талап етілді.

 Әдетте осындай оқу-жаттығуларды өткізу кезінде әскери бөлім дабыл бойынша жауынгерлік әзірлікке келтіріледі. Бұл іс-қимылдарға қолда бар әскери техника мен қару-жарақ тартылады. Әрбір жауынгерге белгілі бір міндеттер қойылып, жалпы мақсатқа жету жолындағы іс-қимылдары айқындалады.

 Бұл ретте 68665 әскери бөлімінің басшылығы мен жеке құрамы үйлескен жұмыс пен өзара іс-қимыл көрсетіп, осынысымен қойылған міндетті мүлтіксіз орындап шықты. Жылына бірнеше рет осындай шартты жауынгерлік дабылдар өткізу басшылық құрам мен жеке құрамның даярлығын нығайтып, әскери мамандардың біліктілігін тексереді.  

 

Барлық жаңалықтар