Елбасы футболдан Қазақстан Суперкубогы үшін өткен жарысты тамашалады
1 Наурыз, 2015 19:32
Нұрсұлтан Назарбаев футболдан Қазақстан Суперкубогы үшін өткен жарысты тамашалады, деп хабарлады Ақорданың баспасөз қызметі.
Суперкубокты алматылық «Қайратты» пенальти нәтижесі бойынша жеңген елордалық «Астана» командасы иеленді.
Мемлекет басшысы ойынға қатысушыларға табыс тіледі және жеңімпаздарға Суперкубокты табыс етті.
Жарысқа Швециядан шақырылған Й.Эрикссон бастаған төрешілер тобы төрелік етті.
Футболдан Қазақстан Суперкубогы үшін жарыс 1995 жылдан бері өтіп келеді. Кезекті футбол маусымын ашатын жарысқа чемпионат жеңімпазы мен өткен маусымдағы Кубок иегері қатысады.
