Қоғамда жемқорлыққа қарсы ұлттық индексті қалыптастыру маңызды – Байбек

«Қоғамда жемқорлыққа қарсы ұлттық индексті қалыптастыру өте маңызды. Халық бүгін мемлекеттік органдардың қандай қызмет атқарып, олардың өткізіп жатқан реформаларының нәтижесін көруі тиіс», - деді Б.Байбек.

Сондай-ақ, ол бүгін елде тексерістер қысқарып, үдерістер жеңілдетіліп, барлығы электронды түрге көшіп жатқанын айтты.

Б.Байбек атап өткендей, Мемлекет басшысы 2050 Стратегиясында «жемқорлық – әлеуметтік қиянат. Ол біздің тәуелсіздігімізге нұқсан келтіреді, ол Қазақстан халқының өмір сүру жағдайын жақсартуға тікелей әсер етеді» деді.

«Бүгінде Қазақстанның үздік 30-дыққа енуі бойынша нақты түсінік қалыптасқан. Билік тиімді, нақты жұмыс істеуі керек, ол заңды түрде жергілікті атқарушы органдырдың қызметін қадағалауы тиіс», - деді ол.

Айта кетейік, бүгін «Қазақстан Республикасында ақпаратқа қол жеткізу құқықтары аясын кеңейту перспективалары, сыбайлас жемқорлықты қоғамдық бақылаудың нысандары және сыбайлас жемқорлыққа қарсы іс-әрекеттер: заңнамалық бастамаларды қарау» тақырыбына арналған халықаралық дөңгелек үстел өтті.Іс-шаралар барысында ҚР Парламентінің Мәжілісінде депутаттар – «НұрОтан» партиясының мүшелері әзірлеген «Сыбайлас жемқорлыққа қарсы іс-әрекеттер туралы», «Ақпаратқа қолжетімділік туралы», «Қоғамдық бақылау туралы» заңдардың жобалары талқыланды.