Мәскеуде ЕАЭК-тің ортақ электр энергетикалық нарығын қалыптастыру мәселесі қаралды
Отырысқа Армения, Белоруссия, Қазақстан, Ресей сияқты бірқатар мемлекеттердің министрліктері мен ведомстволарының және бизнес-қайымдастықтардың өкілдері қатысты. «Консултативті кеңестің мәжілісін ашқан Тайыр Мансұров, ЕАЭК-нің келісімінде энергетикалық саясат бағытындағы мақсат-міндеттері нақты көрсетілген. Онда ортақ электр энергетикалық нарықты қалыптастыру ісін осы уақытта қызмет етіп жатқан электр энергетикалық жүйелерге пара-пар әрі кезең-кезеңімен жүргізу басым бағыт ретінде қарастырылған. Сондай-ақ ұйымға мүше мемлекеттердің бір-бірінің электроэнергетика саласындағы табиғи монополия субьектілеріне қолжетімділігін қамтамасыз ету де басым бағыттардың бірі ретінде қарастырылады»,-делінген Еуразиялық экономикалық комиссияның хабарламасында.
Еуразиялық экономикалық комиссияның Энергетика департаментінің директоры Виктор Мясник мәжіліске қатысушылардың алдына ортақ электроэнегретикалық нарық қалыптастырудың Тұжырымдамасының жобасын ұсынды. Мәжілісте сондай-ақ ЕЭК-ға қатысушы елдердің атқару комитетінің органындағы кадрлық және құрылымдық өзгерістердің орын алуына байланысты Кеңестің ортақ электроэнергетикалық нарығын қалыптастыру комитетінің жаңартылған құрамы да бекітілді.
Осы ретте айта кету керек ЕАЭК-нің 2014 жылдың 19 мамырындағы келісімінің 81-ші және 104-ші тармақтары кеңеске мүше мемлекеттердің ортақ электроэнергетикалық нарығын қалыптастыру жөніндегі Жоғары Еуразиялық Экономикалық Кеңеспен келісілген Тұжырымдамасын 2015 жылдың 1-шілдесіне дейін дайындап, 2016 жылдың 1-ші шілдесіне дейін Тұжырымдама бойынша арнайы бағдарламаны дайындау қажеттігі айтылған.
