• Басты
  • Қазақстанда туберкулездің алдын алуға арналған айлық басталды - ДСӘДМ
26 Ақпан, 2015 12:11

Қазақстанда туберкулездің алдын алуға арналған айлық басталды - ДСӘДМ

2015 жылғы 24 ақпан мен 23 наурыз аралығында еліміздің барлық өңірлерінде Бүкіләлемдік туберкулезбен күрес күніне орай туберкулездің алдын алу жөніндегі айлық шарасы «Қазақстан – туберкулезден азат ел» ұранымен өткізіледі.
Қазақстанда туберкулездің алдын алуға арналған айлық басталды - ДСӘДМ | Strategy2050.kz

Денсаулық сақтау және әлеуметтік даму министрлігі хабарлағандай, шара мақсаты – медициналық-санитариялық алғашқы көмек (МСАК) ұйымдары дәрігерлерінің туберкулезді ерте анықтауға қатысты қырағылығын арттыру; салауатты өмір салтын ұстануға және профилактикалық тексерістерді уақытында өтуге жағдай жасау; туберкулездің алғашқы белгілері, уақытында емделудің тиімділігі, темекіден, есірткіден, алкогольдік ішімдіктен бас тарту, дұрыс тамақтану және дене белсенділігі сияқты профилактикалық шаралар туралы тұрғындардың хабардарлығын арттыру болып табылады. 

Айлық шеңберінде республика бойынша МСАК ұйымдарының медициналық қызметкерлері үшін туберкулездің алдын алу және ерте диагностикалау жөнінде семинар-тренингтер; фтизиатор және өзге мамандарды тарта отырып, емдеу ұйымдарында ашық есік күндерін; денсаулық мектептерінде туберкулездің алдын алу бойынша сабақтар; кәсіпорындар жетекшілеріне арналған туберкулездің алдын алу және денсаулықты сақтау және нығайтуға, тәуекел топтарына жататын тұлғалардың жыл сайын міндетті түрде флюорографиялық тексерулерден өтуіне  жағдай жасау жөнінде семинар-тренингтер өткізіледі. 

Туберкулезбен сырқаттанушылық деңгейін төмендету - «Саламатты Қазақстан» мемлекеттік бағдарламасының басым бағыттарының бірі. Елімізде соңғы 10 жылда туберкулезбен сырқаттанушылық және одан болатын өлім-жітім азайды. Скринингтік тексерулердің арқасында туберкулезге шалдыққан науқастардың 70% астамы ерте кезеңде анықталады.       

Айта кетейік, бүкіләлемдік туберкулезбен күрес күні жыл сайын 24 наурызда атап өтіледі.

ҰСЫНЫЛАДЫ
дерекнама 2050

ШОБ ЖІӨ көлемінің 50 пайызынан артығын өндіреді

Еңбек өнімділігі 126 мың долларға дейін көтеріледі 3-тен 6 жасқа дейінгі балаларды 100 пайыз мектепке дейінгі біліммен қамту

Қазақстан өз нарығын жаңа экологиялық стандарттарға сай келетін жанар-жағармаймен толықтай қамтамасыз етеді

Жалпы экспорт ішінде шикізат емес экспорттың көлемі екі есеге, 2040 жылы үш есеге артады

Әліпбиімізді латын қарпіне көшіру ісі басталады

Қазақстандықтардың 95 пайызы қазақ тілін меңгеруі тиіс

15 пайыз егістік алқаптарына суды үнемдеу технологиялары енгізіледі

Халықты ағын сумен қамту мәселесі шешіледі

Адам басына шаққандағы ЖІӨ көлемі 60 мың долларға көтеріледі

ҚР тұрғындарының үлесі халықтың 70 пайызын құрайды