• Басты
  • Оңтүстік Қазақстанда құтқарушылар ардагерді 93 жылдық мерейтойымен құттықтады
26 Ақпан, 2015 18:09

Оңтүстік Қазақстанда құтқарушылар ардагерді 93 жылдық мерейтойымен құттықтады

Василий Афанасьевич Мухачев 93 жасқа толды. Оңтүстік Қазақстан облысының төтенше жағдайлар департаментінің қызметкерлері ҰОС ардагерін құттықтап барды.

Оңтүстік Қазақстанда құтқарушылар ардагерді  93 жылдық мерейтойымен құттықтады | Strategy2050.kz

ҚР ІІМ ТЖК хабарлағандай, қарт майдангер сұрапыл соғыс жылдарын көзіне жас ала еске алады.

«Сталинград түбіндегі айқаста беті мұз боп қатқан Волга өзенінің арғы жағасына оқ-дәрі тиелген жүк көліктерін өткізуіміз керек болатын. Алайда, жау атқыштары мұздың үстімен қозғалып келе жатқан нысанды атқылап, бірінші жүк көлігінің ішіндегі барлық жауынгер сол жерде мерт болды. Бірақ қалай болғанда да Волга өзенінің арғы жағасына оқ-дәріні жеткізу міндеті тұрғандықтан, көліктерді жүргізушісіз жіберу шешімі қабылданды. Көліктің рулін мықтап бекітіп, газ педалін тіреп қоя бердік те, ол қарсы беттің жағалауын соқтығысып, тоқтады. Осылайша, бірнеше жүк көлігін қарсы беттегі жағалауға өткізіп, қойылған міндетті орындадық»,-дейді В. Мухачев.

Елге оралғасын ол Шымкент қаласында өртке қарсы қызметінде жұмыс істеді. 1955 жылы Шымкенттегі Түркістан көшесінде орналасқан қаладағы ең көне өрт сөндіру депосының құрылысын жүргізген. Майор шеніне дейін көтеріліп, зейнетке шықты. Бір ұл, бір қыз тәрбиелеп, немере өсірді. Ұл-қыздарының барлығына саналы тәрбие мен білім беріп, азамат қатарына қосты.

Майдангердің 93 жасқа толуына орай, Оңтүстік Қазақстан облысы Төтенше жағдайлар департаментінің бір топ қызметкерлері мен ОҚО ТЖД ардагерлер кеңесінің төрағасы В. Витков ардагерді арнайы барып құттықтады. Ізгі тілектерін білдіріп, сый-сияпат ұсынды. Жеңіс күнін жақындатып, бүгінгі ұрпақтың бейбіт өмір сүруіне елеулі үлес қосқаны үшін шын жүректен алғыстарын білдірді.

ҰСЫНЫЛАДЫ
дерекнама 2050

ШОБ ЖІӨ көлемінің 50 пайызынан артығын өндіреді

Еңбек өнімділігі 126 мың долларға дейін көтеріледі 3-тен 6 жасқа дейінгі балаларды 100 пайыз мектепке дейінгі біліммен қамту

Қазақстан өз нарығын жаңа экологиялық стандарттарға сай келетін жанар-жағармаймен толықтай қамтамасыз етеді

Жалпы экспорт ішінде шикізат емес экспорттың көлемі екі есеге, 2040 жылы үш есеге артады

Әліпбиімізді латын қарпіне көшіру ісі басталады

Қазақстандықтардың 95 пайызы қазақ тілін меңгеруі тиіс

15 пайыз егістік алқаптарына суды үнемдеу технологиялары енгізіледі

Халықты ағын сумен қамту мәселесі шешіледі

Адам басына шаққандағы ЖІӨ көлемі 60 мың долларға көтеріледі

ҚР тұрғындарының үлесі халықтың 70 пайызын құрайды