• Басты
  • ШҚО-да Абайдың 170 жылдығына орай 5 томдық жарыққа шықты (ФОТО)
26 Ақпан, 2015 10:08

ШҚО-да Абайдың 170 жылдығына орай 5 томдық жарыққа шықты (ФОТО)

Өскеменде Ұлы Абайдың 170 жылдық мерейтойы қарсаңында белгілі абайтанушы, профессор Бауыржан Ердембековтың «Абайдың әдеби ортасы», «Әріп ақын», «Алаштың ақиығы – Әріп ақын», «Бұл өлең шыққан екен бірталайдан», «Әріп Тәңірбергенұлының шығармалары» кітаптарының тұсаукесері өтті.

ШҚО-да Абайдың 170 жылдығына орай  5 томдық жарыққа шықты (ФОТО) | Strategy2050.kz

«Облыстық кітапханада өткен тұсаукесерде ғалымның еңбектеріне бес томдық ғылыми жинақ қосылды. Соның ішінде 10 жыл зерттелініп, 2008 жылы басылып шыққан «Абайдың әдеби ортасы» монографиясының араб қарпіндегі нұсқасы бар. Қазақтың ақын-жазушылары мен ғалымдарының еңбектеріне сұранысы жоғары Қытай, Түркия, Моңғолияда тұратын қазақтардың  өтініші бойынша 2014 жылдың қыркүйек айында Пекин қаласындағы Орталық Ұлттық университетте аталмыш монографияның тұсаукесері өткен», - деп хабарлады ШҚО-ның Ақпараттық орталығы.

«Абайдың әдеби ортасы мен Әріп Тәңірбергенұлының шығармаларын 2000 жылдан бері зерттедім. Республика ішінен бөлек шеттегі қандастарымыздың кітаптарымызды оқу мүмкіндігінің жоқтығы тағы бір мәселе. Қытай мен Түркиядағы қазақтар араб қарпінде оқитындықтан, жалғыз өз еңбектерімді емес, шәкірттерім арқылы қазақ жазушылары мен ғалымдарының бірқатар еңбектерін төте жазуға түсіру жұмыстарын жүргізіп келеміз. Бұл кітаптарым өз оқырмандарын табады деген сенімдемін», – деді Б.Ербембеков.

Айта кетерлік жайт,  Бауыржан Ердембеков 200-ге тарта ғылыми баяндамалар мен ғылыми-танымдық мақалалар, сонымен қатар, екі монография, бір оқулық, алты оқу құралы, екі оқу-әдістемелік нұсқаудың авторы. 

ҰСЫНЫЛАДЫ
дерекнама 2050

ШОБ ЖІӨ көлемінің 50 пайызынан артығын өндіреді

Еңбек өнімділігі 126 мың долларға дейін көтеріледі 3-тен 6 жасқа дейінгі балаларды 100 пайыз мектепке дейінгі біліммен қамту

Қазақстан өз нарығын жаңа экологиялық стандарттарға сай келетін жанар-жағармаймен толықтай қамтамасыз етеді

Жалпы экспорт ішінде шикізат емес экспорттың көлемі екі есеге, 2040 жылы үш есеге артады

Әліпбиімізді латын қарпіне көшіру ісі басталады

Қазақстандықтардың 95 пайызы қазақ тілін меңгеруі тиіс

15 пайыз егістік алқаптарына суды үнемдеу технологиялары енгізіледі

Халықты ағын сумен қамту мәселесі шешіледі

Адам басына шаққандағы ЖІӨ көлемі 60 мың долларға көтеріледі

ҚР тұрғындарының үлесі халықтың 70 пайызын құрайды