• Басты
  • Бас Прокурор Лондонда өткен Дүниежүзілік құқықтық саммитке қатысты
24 Ақпан, 2015 09:24

Бас Прокурор Лондонда өткен Дүниежүзілік құқықтық саммитке қатысты

Қазақстан Республикасының Премьер-Министрі Кәрім Мәсімов бастаған қазақстандық делегацияның құрамында Ұлыбританияға сапары шеңберінде Қазақстан Республикасының Бас Прокуроры Асхат Дауылбаев Дүниежүзілік құқықтық саммит жұмысына қатысты.
Бас Прокурор  Лондонда өткен Дүниежүзілік құқықтық саммитке қатысты

Форумды еркін экономика мен құқықтық үстемдікті жылжыту мақсатында құрылған Магна Карта - Ұлы Еркіндік Хартиясының 800 жылдығын мерекелеу құрметіне британдық билік ұйымдастырған болатын.

Форум жұмысына бүкіл әлемнің мемлекеттік және бизнес құрылымдарының, үкіметтік емес ұйымдар мен академиялық ортаның 2000-ға жуық өкілдері қатысты. Заңның үстемдік құруы, сот төрелігіне қолжетімділік, тұрақты даму, бизнес саласындағы халықаралық даулар, бизнес және адам құқықтары және т.б. мәселелер күн тәртібінің негізгі тақырыптары болды.

«Форумның ашылу салтанатында Қазақстан Республикасының Премьер-Министрі Кәрім Мәсімов, АҚШ Бас прокуроры Эрик Холдер, Ұлыбритания Әділет Министрі және Лорд-канцлері Крис Грэйлинг, Экономикалық ынтымақтастық және даму ұйымының Бас хатшысы Анхель Гуррия сөз сөйледі», - делінген хабарламада.

Отырысқа қатысушыларға алдағы онжылдықта құқықтың үстемдік құруын айқындауға ықпал ететін технологиялар мен шешімдер, экономикалық қызмет пен халықаралық сауда негізінде заңның үстемдік құруы, кез келген гүлденген және салауатты қоғамда аса маңызды мәнге ие болатын заң күшін қолдану туралы, сонымен қатар олардың негізін құрайтын халықаралық сауда мен заң саласындағы ғаламдық үрдістер туралы түрлі презентациялар көрсетілді.

Саммит барысында А.Дауылбаев шетелдік әріптестерімен - АҚШ, Канада, Румыния, Түркия, Оман, БАӘ әділет министрлерімен және  бас прокурорларымен қылмыстық-құқықтық саладағы өзекті мәселелер бойынша екіжақты кездесулер өткізді.

АҚШ-тың Бас прокуроры Э.Холдермен кездесуі барысында тараптар бір-бірін Қылмыстық істер бойынша өзара құқықтық көмек туралы шарттың қол қойылуымен құттықтады, сондай-ақ құқықтық саладағы маңызды сұрақтарды талқылады.

Лондонға сапары шеңберінде Қазақстан Республикасының Бас Прокуроры Асхат Дауылбаевтың Ұлыбританияның Алаяқтық қылмыстарға қарсы іс-әрекеттер кеңсесінің Директоры Дэвид Гринмен кездесуі өтті.

Кездесу барысында өзара мүдделілік туғызатын мәселелер, оның қатарында прокуратураның құқық қорғау қызметі, трансұлттық ұйымдасқан қылмыс, қылмыстық жолмен алынған табыстарды жылыстатуға қарсы тұру бойынша ынтымақтастық жасау, сонымен қатар Қазақстанның қылмыстық істер бойынша халықаралық құқықтық ынтымақтастық мәселелері жөніндегі Еуропа Кеңесінің конвенцияларына қосылуы, екіжақты шарттық-құқықтық негізді кеңейту және нығайту мәселелері талқыланды.

Тараптар терроризмге қарсы іс-қимыл, ұлттық және халықаралық қауіпсіздікті қамтамасыз ету, жедел ақпаратпен және жұмыс тәжірибесімен алмасудың шеңберінде күш біріктірудің ерекше өзектілігіне тоқталып, екі елдің арасындағы құқықтық ынтымақтастықтың айтарлықтай әлеуеті бар екенін атап көрсетті.

А.Дауылбаев екіжақты қарым-қатынасты нығайтудың, ұйымдасқан қылмысқа қарсы күресте ақпарат және жұмыс тәжірибесін алмасудың өзектілігін атап өтті. Экономикалық қылмыстарды, алаяқтықты, қылмыстық жолмен табылған қаражатты жылыстату және оларды қайтаруға қатысты экономикалық қылмыстарды анықтау және тергеу проблемаларына ерекше назар аударылды. 

Тараптар қазіргі заманның қауіп-қатерлеріне тиімді түрде тосқауыл қою, қылмыспен күрестің аймақтық мәселелерін шешудің ортақ тәсілдерін әзірлеу үшін екі елдің құзіретті органдары арасындағы өзара іс-қимылды одан әрі нығайтуға мүдделілік танытты.

 

ҰСЫНЫЛАДЫ
Барлық жаңалықтар
дерекнама 2050

ШОБ ЖІӨ көлемінің 50 пайызынан артығын өндіреді

Еңбек өнімділігі 126 мың долларға дейін көтеріледі 3-тен 6 жасқа дейінгі балаларды 100 пайыз мектепке дейінгі біліммен қамту

Қазақстан өз нарығын жаңа экологиялық стандарттарға сай келетін жанар-жағармаймен толықтай қамтамасыз етеді

Жалпы экспорт ішінде шикізат емес экспорттың көлемі екі есеге, 2040 жылы үш есеге артады

Әліпбиімізді латын қарпіне көшіру ісі басталады

Қазақстандықтардың 95 пайызы қазақ тілін меңгеруі тиіс

15 пайыз егістік алқаптарына суды үнемдеу технологиялары енгізіледі

Халықты ағын сумен қамту мәселесі шешіледі

Адам басына шаққандағы ЖІӨ көлемі 60 мың долларға көтеріледі

ҚР тұрғындарының үлесі халықтың 70 пайызын құрайды