• Басты
  • Ақтауда болашақ құрылысшылар материалдарды дайындау технологиясымен танысты

Ақтауда болашақ құрылысшылар материалдарды дайындау технологиясымен танысты

23 Ақпан, 2015 16:23
Ақтауда «Еврострой-А»ЖШС құрылысшы мамандықтар бойынша колледждердің студенттеріне «Монолит» зауытына саяхат ұйымдастырды, онда олар материалдарды дайындау технологиясымен танысты, деп хабарлады ҚР ҰКП.

Аталып өткендей, болашақ құрылысшылар материалдарды дайындау техникасымен танысып, өздерінің мазалап жүрген сұрақтарына жауап алды. Сонымен қатар, саяхат барысында студенттер зауыттың тарихы мен оның дамуының негізгі кезеңдері жайлы ақпарат алды.

Маңғыстау облысы Кәсіпкерлер палатасының әлеуметтік мәселелер бойынша директордың орынбасары Гүлжан Қаламқалы атап өткендей, құрылыс мамандығы саласында тәжірибе мен жұмысқа орналасу мәселесі проблемаға айналмау керек.

«Біз бұл мәселені бақылауда ұстап отырмыз, көптеген кәсіпорындар бізді қолдауда және мұндай шаралар ұдайы жүргізілетін болады», - деді АКП басшысының орынбасары.

«Саяхат өте қызықты өтті, студенттер өндіріс процесін өз көзімен көруге мүмкіндік алды. Зауыттағы бар процес жүйеге қойылған, студенттерге мұнда қатты ұнады», -деді «Болашақ» колледжінің ұстазы Нұрсұлу Төлешова.

Оның айтуынша, зауыттарда алған мәліметтерді студенттер курстық жұмыстарды жазу барысында пайдаланады.

Барлық жаңалықтар